O Concello tramitará as queixas dos armadores contra a reserva
Fecha Sábado, 07 febrero a las 08:48:42
Tema PHP-Nuke
O alcalde de Cedeira, José Luís Vergara, entrevistouse onte, por
segunda vez esta semana, cos armadores da vila que se opoñen á Reserva
Mariña. O rexedor mantivo o compromiso adquirido o luns cos mariñeiros,
e remitirá a queixa á delegación de Pesca e ao director xeral de
Recursos Mariños, Antonio García.
Os armadores de Cedeira contrarios a que se transforme a ría en Reserva
Mariña volveron entrevistarse onte co alcalde da vila, o socialista
José Luís Vergara, ao que lle entregaron todas as firmas daqueles
mariñeiros que, como eles, están en desacordo coa reserva ou con algún
dos estatutos do convenio que regulará a actividade, aprobado
recentemente polo Consello da Xunta. En definitiva, 32 armadores
asinaron o do*****ento de rexeitamento á reserva, o 61% do total, segundo
confirmou a este diario José Manuel Yáñez, portavoz da plataforma de
afectados. Éste mostrouse moi contrariado co persoal da Confraría por
non aceptar as firmas que presentaron ante o depósito, explicando que "somos maioría e aínda así non nos fan caso". Segundo denuncian desde o
colectivo, non as aceptaron porque querían os orixinais, "e eses
quedámonolos/quedámosnolos nós?, explicou Yáñez.
O alcalde, pola súa banda, asegurou que o seu traballo é exercer de
mediador entre os afectados e as distintas administracións polo que
asegurou que remitirá as firmas á delegación de Pesca, cuxa sede está
en Celeiro, Lugo, e ao director xeral de Recursos Mariños da Xunta,
Antonio García Elorriaga.
Como xa se publicou nestes diario días atrás, os armadores manteñen que
de *****prirse todos os artigos do convenio que regularán a reserva,
aquelas embarcacións que non se dediquen á extracción do percebe e
superen os1,5 GT non poderán faenar dentro da área. Desde a Confraría,
en cambio, mantense que será a comisión xestora, na que intervirán os
mariñeiros da zona, a que decida.
Link: DFONLine
|
|