|
Menú | |
Online | |
Actualmente hay 63 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| A Xunta potenciará o papel da APLU |
O conselleiro de Medio Ambiente, Territorio e Infraestruturas, Agustín
Hernández, afirmou esta tarde que a Axencia de Protección da Legalidade
Urbanística será potenciada como garante do cumprimento da disciplina
urbanística e elemento disuasorio contra do delito urbanístico no
conxunto da Comunidade. Este reto de proceso urbanizador realizarase en
base a pautas de racionalidade e de harmonía, en consonancia co rico
patrimonio arquitectónico e colectivo e coa tradicional disposición
xerarquizada do hábitat.
O titular de Medio Ambiente sinalou que a actual Xunta de Galicia
conta con tres ferramentas imprescindibles en materia de ordenación e
protección do territorio, que converterá á Comunidade galega nun
referente das políticas de urbanización e territorialización do solo,
especialmente do litoral de Galicia. O titular de Medio Ambiente fixo
esta afirmación na clausura da xornada sobre a reforma da lei de
ordenación urbanística de Galicia.Por un lado, indicou a
modificación da Lei do Solo –que entrou en vigor no mes de abril- e que é
a primeira medida normativa de calado auspiciada polo actual Goberno de
Galicia, empeñado en facer do urbanismo, da ordenación territorial e da
protección da paisaxe, unha das súas liñas de actuacións prioritarias.
Hernández
manifestou que a actual Xunta ten a plena convicción de que Galicia non
pode demorar por máis tempo a posta en marcha de normas e medidas
eficaces para preservar o seu territorio.Ademais desta
modificación, existen outros dous vectores directos relacionados coas
políticas de ordenación -que serán aprobados neste mesmo ano-: o Plan de
Ordenación do Litoral e as Directrices de Ordenación do Territorio.No
caso do Plan, explicou que se trata dun documento esencial para
protexer e ordenar a franxa costeira. Un territorio extremadamente
fráxil, onde se asentan catro das nosas grandes cidades e importantes
áreas urbanas que aglutinan arredor do 70% da poboación galega,
considerou. En definitiva, un espazo de gran importancia que constitúe
un dos sinais de identidade da nosa terra, matizou. As previsións da
Xunta é que o Plan do Litoral sexa aprobado nos vindeiros meses e que a
súa aprobación definitiva se leve a cabo a finais do presente ano.Deste
xeito, Galicia contará cun segundo instrumento de ordenación e
protección que será unha referencia para a eficaz integración das
políticas territoriais e urbanísticas no litoral de Galicia, garantindo a
conservación e preservación dos sistemas.
Paralelamente,
traballase na elaboración das Directrices de Ordenación, un instrumento
fundamental que o Goberno actual tivo que retrotraer o expediente
administrativos –desde a súa situación de aprobación inicial- polos
defectos formais detectados na súa tramitación ambiental. Na
actualidade, estase a redactar o documento de referencia para continuar
coa dobre tramitación, ambiental e de ordenación do territorio.Polo
tanto, ao rematar ao rematar o ano 2010, Galicia vai contar con dúas
das principais figuras de ordenación territorial: o Plan de Ordenación
do Litoral e as Directrices de Ordenación do Territorio, que de forma
conxunta van fortalecer a protección do medio e garantir un
desenvolvemento ordenado, coa precisa seguridade xurídica para todo tipo
de actuacións que teñan por base o noso territorio.
Mostras de
transparencia e participación O conselleiro de Medio Ambiente
manifestou o seu desexo de que a tramitación do Plan do Litoral e das
Directrices de Ordenación prime o consenso e que sexa novamente unha
peza fundamental na actuación da Consellería. Lembrou que no caso da
modificación da Lei 2/2010 que, malia non acadar a plena unanimidade
–considerou, foi desde un principio unha boa mostra da intención de
fomentar a participación e a transparencia, na procura de acadar un
documento co máis amplo dos consensos. Explicou que este consenso tamén
se afrontou a redacción do Plan de Ordenación do Litoral, que se atopa
na fase final do seu período de consultas.
Link: XONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"A Xunta potenciará o papel da APLU" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|