|
Menú | |
Online | |
Actualmente hay 41 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| A executiva de Pintos e Grandal |
A unión comarcal da CIG abre unha etapa na
que o debate e o acordo terán que ser exercicios diarios. As dúas
correntes que lideraban Xesús Anxo López Pintos e Manuel Grandal Anca,
opostas en temas como o Plan Ferrol ou a iniciativa de Rumbo 21,
chegaron onte da man á V Asemblea para conformar unha executiva na que
están representadas a partes iguais. A máxima responsabilidade, como xa
se anunciara, será compartida.
© Diario de Ferrol 2010 Un total de 170 delegados estaban chamados
onte a participar na Asemblea Comarcal que se desenvolveu no auditorio
municipal de Narón. A metade eran afíns a Pintos e a outra metade a
Grandal, grazas o acordo ó que chegaron no pasado mes de xaneiro, a
tempo para “equilibrar” as forzas nas eleccións que quedaban pendentes
daquela, as de Químicas e Servizos. Así, a única desigualdade veu
marcada pola non asistencia dalgún delegado e o voto en branco doutro
deles. Finalmente, 85 papeletas foron para a lista de Manuel Grandal e
81 para a de López Pintos, de maneira que cada grupo copou catro postos
na executiva comarcal.
O equipo que estará ó fronte da unión
comarcal os próximos catro anos está integrada por Xosé Lois Rivera
Jácome, Margarita Leirachá e Víctor Díaz (afíns a Grandal), e Óscar
Pérez Vidal, Jesús Díaz e Sandra Otero (da candidatura de Pintos) e os
dous cabezas de lista, que comentaron ó rematar o proceso que non hai
nada decidido sobre a participación da CIG na Asociación Impulsora do
Plan Ferrol ou sobre o respaldo á manifestación convocada por Rumbo 21
a prol do levantamento do veto a Astano. “Vai a ser un debate que se
dará dentro da CIG”, dixo Grandal. “Imos ver se estamos na AIPF ó igual
que noutros sitios”, sinalou López Pintos.A asemblea de onte
serviu tamén para designar ós seis delegados que irán ó Consello
Confederación, postos que igualmente se repartiron as súas candidaturas.
Informe
de xestión
Na asemblea, o que foi secretario comarcal único
durante os últimos catro anos, Xesús Anxo López Pintos, presentou o seu
informe de xestión, que resultou aprobado por 134 votos a favor, sete e
contra e oito abstencións. Na clausura participou o secretario xeral,
Suso Seixo, que agradeceu o esforzo que fixeros as dúas candidaturas
para desenvolver o congreso “nun clima de consenso” e animou ós
presentes a seguir traballando unidos a prol do proxecto do sindicato,
centrado na defensa dos dereitos dos traballadores nun tempo no que,
salientou, o sector financieiro controla ás políticas económicas e ós
gobernos. A CIG é a central con maior peso na comarca de
Ferrol. Ten 9.200 afiliados e 440 delegados nas empresas da zona, que a
converten a primeira forza sindical co 33,8% da representación, fronte
ó 28,60 de CCOO e o 28,50 da UGT. Entre os retos máis inmediatos da
nova executiva está lograr unha gran mobilización para o vindeiro 10 de
marzo, xunto cos actos organizados con motivo do Día da Muller
Traballadora.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"A executiva de Pintos e Grandal" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|