|
Menú | |
Online | |
Actualmente hay 32 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Alerta Vermella - Comunicado do Concello de Ferrol |
O alcalde, Vicente Irisarri, deu conta
do dispositivo especial no que participan Policía Local, Bombeiros, Protección
Civil, institucións como Navantia e o Arsenal e os diferentes servizos
municipais
A edil Sandra Ríos anuncia que o
número de axentes e bombeiros se duplicará e que as actividades culturais,
deportivas e sociais se suspenden a fin de semana
O concelleiro Angel Mato avanza que o
goberno local pon o párking do Mercado a disposición dos veciños de Ferrol
Vello que non teñen garaxe e que o Concello conta coa colaboración da
asociación de veciños de Covas para dispor do albergue para posible realoxos
Ferrol, 26 de febreiro de 2010.-
O alcalde de Ferrol, Vicente
Irisarri, compareceu esta tarde xunto á concelleira de Seguridade, Sandra Ríos,
e o edil de Urbanismo, Angel Mato, para dar conta do dispositivo especial
articulado polo Concello para ofrecer unha resposta eficaz e rápida ante as
posibles eventualidades que se poidan derivar mañá, sábado, da alerta vermella
por fortes ventos en Galicia dictada pola Dirección Xeral de Emerxencias da
Xunta de Galicia. Así mesmo, as medidas adoptadas pola Administración local
pretenden minimizar os seus posibles efectos.
Nesta liña, Sandra Ríos explicaba que o departamento que dirixe coordinaba
esta mañá unha xuntanza entre Policía Local, Bombeiros, Protección Civil e os
distintos servizos municipais -conservación e mantenemento de xardíns, servizos
de limpeza ou departamento de Urbanismo- para establecer o protocolo a seguir.
Anunciaba que o Centro de Emerxencias Municipal se activará no Cuartel da
Policía Local de San Xoán, en donde se están a dispor os xeneradores de
electricidade necesarios e acopiando materiais e recursos de tal maneira que no
día de mañá poida funcionar ao 100%.
En canto aos recursos humanos previstos, a edil Sandra Ríos indicaba que se
duplicarán os turnos no Corpo de Policía Local co fin de poder dispor dunha
plantilla de entre 26 e 30 axentes por turno. No caso dos Bombeiros se actuará
de idéntico modo, simultaneando turnos. Ambos contarán co apoio loxístico dos
membros de Protección Civil.
A responsable de Seguridade Cidadá explicaba que tanto o seu departamento
como Benestar Social teñen previsto posibles lugares para realoxos. Así, na
zona rural, a asociación de veciños de Covas colaborará co Concello ofrecendo o
Albergue situado na parroquia, con capacidade para 15 persoas. Na zona urbana,
xa se confirmou a disponibilidade de prazas en diferentes hostais e pensións.
Pola súa banda, Angel Mato lembrou ás empresas constructoras que realicen
traballos en altura que eviten as obras na xornada de mañá, así como que retiren
as plataformas aéreas dos dispositivos móbiles e afiancen as grúas. Asegurou
que o departamento de Urbanismo xa tomou as medidas necesarias en relación ás
obras municipais, de tal modo que estarán paralizadas no día de mañá para
evitar riscos innecesarios. A excepción será a praza de España, onde
permanecerá un retén de garda para evitar que ocurra calquer incidente.
Angel Mato tamén anunciou que, coa colaboración da asociación de veciños de
Ferrol Vello, o párking municipal do Mercado estará a disposición dos
residentes do barrio. A medida se toma para evitar que se repitan sucesos como
os ocorridos o ano pasado co Klaus que, aínda que non provocou danos de suma
consideración, si afectou a un número destacado de vehículos. Así, está pensado
para que aqueles veciños e veciñas que non dispoñan dunha praza de garaxe
poidan pór a cuberto os seus vehículos. Estará a disposición destes residentes
ata o luns, cando se terá que proceder á retirada, entre as 8 e as 11 horas.
Respeto ás actividades deportivas, culturais e sociais, quedan suspendidas
durante toda a fin de semana por motivos de precaucación -Os Sabactivos e
Ardora, as representacións teatrais no Teatro Jofre e a Noite de Rock por
Haití, así como as competicións deportivas, entre outros-. Mercedes Carbajales
xa anunciou que para a semana se informará das devolucións das entradas. Así
mesmo, cancélase o servizo de Ferrol en Bici. Así mesmo, tanto Sandra Ríos como
Angel Mato insistían en pedir á cidadanía que restrinxa ao máximo os seus
desprazamentos no día de mañá e retiren das fachadas das vivendas elementos
susceptibles de desprenderse. Tamén, que en caso de detectar calquer perigo,
que avisen aos Bombeiros. Aínda así, Sandra Ríos pediu paciencia á cidadanía
ante posibles colapsos nas comunicacións. O alcalde tamén informaba de que esta
mañá os responsables municipais se poñían en contacto con Navantia e co Arsenal
para traballar no ámbito da prevención e planificar posibles actuacións
conxuntas.
O obxetivo do goberno local é dispor dun operativo planificado para
afrontar posibles eventualidades. Pór todas as medidas para anticipar respostas
e minimizar danos. Nesta liña, o alcalde da cidade aseguraba que máis vale
previr que lamentar, aínda que quería lanzar unha mensaxe de tranquilidade á
cidadanía.
Link: Concello de Ferrol - Comunicado
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
"Alerta Vermella - Comunicado do Concello de Ferrol" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|