MOITOS LOCAIS BALEIROS OU INFRAUTILIZADOS
O pasado verán o círculo Podemos Cedeira solicitou aos responsables do Concello a cesión dun local onde poder desenvolver o traballo da agrupación. A resposta foi: “…sinto comunicarlle que neste momento o Concello non conta cun espazo para poñer á súa disposición…”.Para colmo, no último pleno do 30/9/15, dísenos que están “inventariando” os locais de titularidade municipal.
Pois ben, sen buscar moito, atopamos o Certificado Catastral Telemático con data do 4/9/15 onde se fai o inventario de todas as propiedades do Concello, diferenciando no mesmo, entre Inmobles Urbanos e Inmobles Rústicos e detallando o uso de cada un deles.
Este feito confirma a idea que os membros do triunvirato tiñan cando estaban na oposición: “o Concello dispón de varios locais baleiros ou infrautilizados”.
Desde Podemos Cedeira, pensamos que os actuais grupos de goberno, con este tipo de actuacións, están “a seguir a liña dos seus antecesores no cargo” (MENTIR), e que deberían cambiar o rumbo si non queren afundir o barco…
Pódese acceder á información dos inmobles municipais no seguinte enlace:
http://sede.cedeira.es/opencms/export/sites/cedeira/resources/downloads/portal_transparencia/Inmobles_Concello_xCastro-Completox.pdf
Esperemos que agora, que xa saben onde buscar,que nos cedan o local solicitado como prometeron…
Link: PODEMOS Cedeira
