CAMILO CASAL LIDERARÁ O PROXECTO DE ANOVA CEDEIRA
Camilo Casal foi elexido por unanimidade da asemblea local para liderar o proxecto de anova en Cedeira de cara ás vindeiras eleccións municipais.
Este cedeirés fillo do popular mestre " Don Camilo"e profesor de química xubilado, será o encargado de levar adiante o "troco de rumbo"que precisa o noso concello. Liderará unha candidatura que se centrará en gobernar por e para a xente, tendo como eixos programáticos fundamentais os asuntos sociais, o emprego, a educación e o deporte así como o medio ambiente, combatindo as corruptelas, o enchufismo e o amiguismo, único xeito de recuperar a credibilidade da xente nos responsables municipais.
Tamén suliña que intentaremos recuperar servizos básicos privatizados por anteriores corporacións e diminuir notablemente certos gastos da política municipal (soldos de asesoramento, asistencia a comisións de goberno,...), comezando por el mesmo que non cobrará un só euro das arcas municipais se o pobo lle encomenda a tarefa de ser alcalde.
Link: ANOVA Cedeira