|
Menú | |
Online | |
Actualmente hay 48 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Cedeira homenaxea a Leslie Howard |
A partir do próximo 18 de xullo, Cedeira poderá
presumir de render homenaxe ao bo de Ashley Wilkes no filme O que o
vento levou (1939). Leslie Howard (Londres, 1893), un dos actores
británicos máis recoñecidos nos anos 30, perdeu a súa vida tras o
ataque de oito avións alemáns Junkers 88 cando sobrevoaba terras
cedeirenses, o 1 de xuño do 1943.
Así o
defende José Rei-Ximena (Xerez, 1953) no seu libro O voo de Ibis,
publicado a finais do pasado ano. Ata entón pouco se coñecía acerca da
morte do intérprete, pero tras case 30 anos de investigacións, o autor
pode asegurar que Howard atopábase no Ibis derrubado tras manter en
España unha reunión co xeneral Franco. Antes de que se fixese público o
resultado do seu traballo «críase que viñera a España para impartir
unhas conferencias sobre Hamlet, pero este motivo resultaba bastante
sospeitoso».
© 2009 - La Voz de Galicia
Desde a súa infancia escoitou dicir ao seu pai, coronel de aviación,
que o famoso actor voaba no avión derrubado en Cedeira. Tanto o
escoitou que quixo saber o motivo, pois «nunca crin a versión das
conferencias».
Unha bela muller
Durante
anos traballou para pescudar os motivos daquel ataque. Con todo, foi a
fotografía dunha bela muller o que lle deu a súa mellor pista. Era
Conchita Montenegro (San Sebastián, 1912), con quen Howard compartira
protagonismo na película Never the twain shall meet (1931). Tirou do
fío e descubriu que ambos mantiveron unha relación especial tras a
rodaxe do filme. Comprobou que aínda vivía e decidiuse a facerlle unha
visita nunha residencia xeriátrica madrileña, onde pasaba os seus
últimos anos. Visitouna en tres ocasións entre 2006 e 2007, a primeira
delas o día no que a actriz cmpría 94 anos. «quedou moi asombrada
cando me viu, pero me atendeu correctamente. Cando fun a vela eu xa
sabía que foran amantes».
Unha mensaxe de paz
Durante
estas conversacións Rei-Ximena logrou que Montenegro lle explicase o
verdadeiro motivo da visita do actor a España. O goberno británico
quería facer chegar a Franco a mensaxe de que «se se declaraba neutral
na Segunda Guerra Mundial, España non sufriría ningunha represalia tras
o conflito». As autoridades fixáronse en Conchita Montenegro «porque
estaba prometida con Ricardo Giménez Arnau, antigo delegado do Servizo
Exterior de Falanxe e próximo a Franco. Coñecían a amizade entre os
actores, polo que o goberno británico propuxo a Leslie Howard ser o
mensaxeiro, pois tería fácil acceso ao ditador».
A
pesar de mostrar a súa desconformidade co plan, explica Rei-Ximena,
«pois temía voar e era consciente de que se converteu nun inimigo
declarado dos alemáns tras protagonizar varias películas
ridiculizándolos, como Pimpinela Smith, finalmente o actor accedeu».
Apartouse do cine
Tras
a traxedia, Conchita Montenegro «non quixo volver ter contacto co mundo
do cine, desapareceu, queimou todos o seu recordos, todas as súas
cartas e fotos foron dadas ao lume», relata o autor no libro. Tanto,
que chegou a rexeitar unha homenaxe no Festival de Cine San Sebastián.
«Díxome que se sentía culpable da morte de Howard, ela púxolle en
contacto co xeneral».
A actriz morreu no 2007
tras confesar a José Rei-Ximena a razón que motivou a visita do actor
británico a España. Todo un descubrimento que «estes días estudamos
levar á gran pantalla», revela o autor do libro.ç
Hélices a dous quilómetros
O
descubrimento de Rei-Ximena animou ao Concello de Cedeira a render unha
homenaxe ao actor británico. Así, o terceiro sábado do mes de xullo
inaugurarase un monumento composto por unha hélice de tres metros de
longo e unha placa que recordará os nomes dos 17 falecidos, 13
pasaxeiros e catro tripulantes.
Colocarase a
case dous quilómetros de Cedeira, preto de San Andrés de Teixido, na
Capelada, onde foi derrubado o avión. De feito, explica o autor do
libro, «na última mensaxe de radio o piloto facilitou as coordenadas
deste punto. Ata alí achegáronse barcos de Ferrol e británicos, pero
nada se atopou».
O Concello de Cedeira ultima
os actos e a lista de invitados. De momento, o concelleiro Xermán Tobío
adianta que «está prevista a asistencia dos embaixadores británico e
holandés, mandos militares de Inglaterra e España, políticos e
familiares do actor». O Concello recupera así «a memoria do actor e pon
en valor o papel que xogou para neutralizar España durante a Segunda
Guerra Mundial», explica o edil.
Link: VONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
"Cedeira homenaxea a Leslie Howard" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|