|
Menú | |
Online | |
Actualmente hay 40 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| PSdeG-PSOE Cedeira ::: Comunicado ::: |
A estas alturas
do ano, o Concello de Cedeira, con Alfredo Vilela Santalla ao frente, anuncia
que vai limpar as pistas. Cando deberían
estar preparando a segunda pasada, Vielela anuncia, a bombo e platillo, que
comeza a primeira. Os que usamos a
diario as pistas rurais, levamos, non só agora coa explosión primaveral da
vexetación de cunetas e ribazos, senón todo o ano ( xa van tres) sufrindo o abandono ao que Rubido condena ao medio
rural. E non pode botarlle a culpa á falla de medios, e moito menos á herdanza
recibida. O tractor da praia está sen facer nada e o adquirido por insistencia
de Manuel Pérez Riola, está parado. O asfalto de innumerables pistas está
cuarteado ou levantado, con buratos por un lado e outro, constituíndo un
perigo para cantos necesitamos transitar por elas. Vilela só se preocupa polas
pistas nas que posúe propiedades, nas que non repara en gastos de todo tipo e
Rubido só emprende obras non prioritarias, cando non innecesarias ou
perniciosas. As vías de circulación das parroquias carecen de regulación e control, dá
igual a anchura que teñan, o tipo de pavimento que presenten, nos leven a
lugares moi concurridos ou a terreos forestais, que o goberno local do PP
carece de interés por racionalizar o tránsito. Nunha localidade na que a manipulación
da madeira ten tanta importancia, contempla as talas, acopios e transporte do
eucalipto como quen ve chover. Se non hai máis accidentes é porque Deus nos
cuida. A variante das Pontigas da estrada provincial que vai a Chímparra, CP-2204, programada polo
goberno que presidimos e aprobada pola Deputación, durme o sono dos xustos. Deixar escapar unha obra que traería
seguridade no tránsito ao Sato Andrés e calidade de vida ás Pontigas e Barral é
dunha irresponsabilidade só comparable co pasotismo que amosan co Centro de
Saúde. Os accesos ao
corazón da Capelada están absolutamente impracticables. As comunicacións co
Curro, cos Parques Eólicos, etc. non poden ter as mesmas características que as
que nos levan a lugares habitados, pero o descuido no que se manteñen fainas
imposibles, cun claro detrimento para o turismo, ou para os veciños que
deberían poder disfrutar da súa serra. Máis que potenciar as moitas cualidades
da Capelada, o PP ten unha actitude depredatoria coa súa riqueza. Só ve pinos
que cortar. E para rematar, a dereita de Cedeira renunciou a apoiar a “rapa das bestas” que permitía atraer visitantes, publicitar
unha riqueza gandeira subesplotada, habilitar marcos de convivencia en torno a
unha práctica milenaria ao mesmo tempo que se procedía á desparasitación tras
un ano de andadura ceibe polo monte.
En
Cedeira, a 22 de maio de 2014 JOSÉ LUIS VERGARA REY Voceiro do GRUPO MUNICIPAL SOCIALISTA © 2014 - PSdeG-PSOE Cedeira Dcto. orixinal (PDF): preme aquí
Link: PSdeG-PSOE Cedeira
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
Tópicos Asociados
|
|
"PSdeG-PSOE Cedeira ::: Comunicado :::" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|