Un ano máis celebramos o día da República. Farémolo na Praza da Constitución, máis coñecida como Praza da Revolta, ao pé da placa adicada aos presos no campo de concentración que, lamentablemente, naqueles fatídicos momentos, se asentou en Cedeira. O acto, consistente nunha ofrenda floral, terá lugar o próximo domingo, 13 de abril ás 12 do medio día.
Os que alí estaremos sentimos que a sociedade está en deuda con cantos, en maior ou menor medida, sufriron as consecuencias daquel golpe de estado. Alí estaremos porque rexeitamos a subversión da orde constitucional aprobada polo pobo español, que supuxo a segunda república. Estaremos alí porque nos situamos ao lado da liberdade, do estado de dereito e da democracia.
Será un acto celebrado en positivo que mira cara adiante, restañando feridas, recordando con cariño aos que foron represaliados de mil maneiras, cada cal máis inxusta. Será un acto cargado de futuro de quenes sabemos que, igual que a auga non pode ser obrigada a ir por onde non é de seu, a historia non pode ser detida nin forzada a ir contra os desexos dos pobos.
En Cedeira, a 9 de marzo de 2014
JOSÉ LUIS VERGARA REY
Voceiro do GRUPO MUNICIPAL SOCIALISTA
Link: PSdeG-Cedeira