|
Menú | |
Online | |
Actualmente hay 72 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Rubido : "Este é un novo servizo que dou" |
O alcalde de Cedeira
, o popular Leopoldo Rubido,
presentou esta mañá en pleno a renuncia do seu posto de rexedor e da
acta de concelleiro. No acto Rubido recordou a súa traxectoria á fronte
da alcaldía e tivo palabras emotivas para «todos aqueles que colaboraron
comigo, concelleiros, funcionarios, amigos, algúns dos cales xa non
están aquí».
Leopoldo Rubido deixa de ser rexedor 40
anos despois de acceder por primeira vez á alcaldía, en 1973. Ao
contrario do que se especulou, a súa dimisión non se debe a problemas de
saúde. Así o asegurou o mesmo Rubido, que manifestou o seu desexo de
«dar paso a unha nova xeración». Revelou que a súa idade, 71 anos, non
ten «nada que ver» coa súa decisión de abandonar, aínda que explica que
«hai que dar paso a alguén para asegurar un pouco o futuro e o benestar
do concello. Se estamos sempre con tripartitos e cuadripartitos non hai
futuro. Este é un novo servizo que dou».
A pesar de que se dá por feito
que será o seu irmán, Luis Rubido, quen tome a testemuña, o certo é que Leopoldo Rubido
especificou que «será o partido quen o designe, e o primeiro na lista
non é o meu irmán». O certo é que así é, dado que o primeiro tenente de
alcalde, e segundo na candidatura do PP ás últimas eleccións municipais,
é Alfredo Vilela.
Rubido preparando a foto do cartel electoral © 2013 Faro de Vigo
Coa renuncia de Leopoldo Rubido remata unha
etapa que comezou na época franquista, e que lle mantivo durante 32 anos
á fronte da alcaldía, con tan só dúas paréntese de 8 anos nos que
gobernaron o PSOE e o BNG, e na que Leopoldo Rubido tamén asumiu o cargo
de Senador durante a súa cuarta e quinta lexislaturas.
Rubido Ramonde é graduado social e foi profesor
de ensino medio, aínda que sen dúbida é a súa dilatada actividade
política a que máis marcou a súa traxectoria. Amante da lectura e do
coleccionismo, e afeccionado tamén ao campo, Leopoldo Rubido poderá a partir de agora dedicar maior atención a estas disciplinas.
Link: VONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
Tópicos Asociados
|
|
"Rubido : "Este é un novo servizo que dou"" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|