O Concello de Cedeira reeditará este ano a Semana Infantil. Unha
completa programación de actividades deseñada para os máis pequenos da
casa como antesala das Festas Patronais da vila. Así, dende as
Concellerías de Deportes e Cultura ofreceránse toda unha serie de
propostas lúdicas entre o vindeiro martes, 6 de agosto, e o venres, día
9. O escenario elixido será a Praza do agrado Corazón. Así, a primeira
delas terá lugar baixo a denominación “Probas Atléticas”. Dende as 11
horas, a citada praza convertiráse nun mini estadio onde nenos e nenas
poderán participar en carreiras de velocidade, resistencia e relevos e
optar aos premios para os mellores clasificados. Ao día seguinte,
mércores 7 de agosto, Cedeira acollerá os “Xogos dos Avós”. Entre as 11 e
as 14 horas, o Concello propón esquecerse da videoconsola e recuperar
aqueles xogos de toda a vida como o pano, a carretilla, a cadeira ou os
zancos, entre outras propostas. As actividades continuarán o xoves coas
“Carreiras do Humor”. Propóñense varias modalidades nas que haberá que
ser o máis rápido pero con moita habilidade: carreiras de sacos ou
portando un ovo nunha culler. A Semana Infantil concluirá o venres co
tradicional concurso de Castelos na area. Dende as 11 horas, nenos e
nenas poderán realizar as súas creacións na praia da Magdalena.
© 2013 - Concello de Cedeira
Link: Concello de Cedeira