Máis de medio milleiro de persoas déronse
cita o ano pasado na primeira edición do Encontro de Maiores de
Ortegal, que se celebrou en Cariño. Este ano encárgase da organización
da cita o Concello de Cedeira, a través da área de Servizos Sociais,
confiando en superar a cifra de asistencia acadada na primera edición
do encontro, que reúne ás persoas maiores das vilas do Ortegal, Mañón,
Cariño, Ortigueira e Cerdido, ademáis do concello cedeirés, que este
ano fai de anfitrión.
© 2009 - Diario de Ferrol
A festa desta edición terá lugar o
vindeiro sábado 31 de maio e está previsto que se desenvolva nas
inmediacións do paseo marítimo, tal e como explicou onte a concelleira
de Servizos Sociais, Manuela López Rodríguez, quen se mostrou confiada
en que a cita teña o mesmo éxito de convocatoria que o ano pasado en
Cariño e animou a tódalas persoas maiores destes municipos a
participar. Para elo so terán que poñerse en contacto coas concellerías
de Servizos Sociais dos seus concellos. Do mesmo xeito que ocorreu en
2008, ademáis de degustar un menú composto por varios entrantes,
churrasco, postre, viño e café -que custa 11 euros- e bailar ó son da
música, repartiranse agasallos a o matrimonio más lonxevo que asista á
cita e á persoa de máis idade.
Link: DFONLine