O Auditorio Municipal acollerá este sábado, 11 de maio, a representación
da peza teatral “As herdeiras do Sol”, a cargo da compañía Quemaisten
Teatro. A función dará comezo ás 20 horas e o prezo das entradas é de
2,5 euros. Baixo a dirección de Xosé Bonome, “As herdeiras do Sol” é
unha peza ambientada nos comezos da Transición política española. Narra a
vida dunha familia formada por Dona Laura e Dona Clara, dúas irmás
anciás que, invocando graves cuestións de moralidade ou conveniencias
individuais, coartan a liberdade de dúas mozas, Lolita e Elenita, as
súas sobriñas, ata provocar a destrucción das mesmas. Nas herdeiras do
Sol, as personaxes representan nas súas aventuras individuais as
peripecias dunha sociedade española na busca da súa propia identidade.
© 2013 - Concello de Cedeira
Link: Concello de Cedeira
