Portal de Noticias Cedeira OnLine Café Bar A MARINA

A Executiva en funcións do BNG non quere que os altos cargos das consellerías nacionalistas que vaian retornar aos seus postos de funcionarios despois do paso pola Xunta reclamen o “complemento de destino” que lles correspondería en virtude da reforma da Lei da Función Pública, aprobada polo bipartito.
Con este chamamento, os nacionalistas instan aos seus dirixentes na Administración autonómica a rexeitar o cobro do coñecido popularmente como “plus dos altos cargos”, un incremento salarial para os funcionarios que teñan desempañado un cargo na Función Pública e que, na práctica, lembran, “é superior” aos complementos estipulados “no máximo nivel da carreira administrativa”.

Iniciativa da cig

Con este chamamento, os nacionalistas respaldan a Iniciativa Lexislativa Popular promovida pola Confederación Intersindical Galega (CIG) e que ten como obxectivo a derrogación deste plus salarial, apoiado no momento da súa aprobación por todos os grupos do Parlamento.
En opinión da dirección do Bloque, no actual contexto de crise económica “non se pode consolidar unha situación que sería visto coma un privilexio por parte da inmensa maioría dos cidadáns”, unha situación que, afirman, afectaría especialmente ás “miles de persoas que están en situación de desemprego ou temen polos seus postos de traballo”.
A instrución ditada pola Executiva nacionalista segue o camiño iniciado, semanas despois da aprobación do plus dos altos cargos, pola directora xeral de Fomento e Calidade da Vivenda, Encarna Otero.
Naquela altura, a nacionalista chomou á “desobediencia” para que os altos cargos non aceptasen os beneficios que contempla a reforma da Lei de Función Pública e que, ademais dun complemento ao seu salario como funcionarios, establece a consolidación “de forma acelerada” do grao retributivo máis alto dos contemplados nas diferentes escalas salariais da Administración autonómica de Galicia.

Link: XORONLine