© 2013 - La Voz de Galicia
A xogadora de bádminton, Josefa Pérez Pérez, foi elixida a mellor
deportista de Cedeira do ano 2012. Recibiu o galardón de mans do alcalde
en funcións, Alfredo Vilela, nun acto que se desenvolveu nun abarrotado
auditorio municipal, onde na tarde de onte celebrouse a XII edición da
Festa Do Deporte.
Josefa Pérez Pérez, do Bádminton Cedeira, foi subcampeona de España de veteranos na categoría C-1 e campioa nacional en mixtos.
Neste acto tamén se rendeu un caluroso homenaxe a Juan Antonio Rodríguez
polo seu traballo polo remo durante moitos anos. Recibiu unha placa por
parte dos representantes do Concello de Cedeira e tamén recibiu
recoñecementos por parte de distintos presidentes de clubs e entidades
deportivas de Cedeira por todo unha vida entregada ao deporte.
O exjugador do Deportivo Joan Capdevila enviou a Cedeira dúas camisetas
asinadas. Unha do seu actual club, o Espanyol de Barcelona, e outra da
selección española coa que se proclamou campión do Mundo.
Os premiados nas diferentes especialidades deportivas foron:
Remo: Equipo de veteranos de yolas do Club de Remo de Cedeira.
Fútbol: Ana Canosa e Marta Cheda, do Cedeira, impulsoras do fútbol feminino.
Kárate: Alejandro Prieto, do Kárate Cedeira.
Actividades cinegéticas: Fabián Barge Vilela, do Club Sociedade de Caza e Pesca de Cedeira-Cerdido.
Deportes adaptados: Sabela Gómez, do Club Polideportivo Apader.
Bádminton: Hilda Martínez e Josefa Pérez, do Bádminton Cedeira.
Natación: Equipo de competición do Natación Ferrol.
Fútbol Sala: Javier Arrivi, porteiro do Cidade de Narón.
Atletismo: José Anxo López Villar, do Egovarros de Viveiro.
Taekwondo: Categorías de base do Taekwondo de Cedeira.
Link: VONLine
