Cedeira festexará o Entroido por partida doble. Así, segundo avanzou o concelleiro de Cultura, Luis Rubido, o programa desenvolverase en dúas xornadas. Veciños e veciñas teñen unha primeira cita o vindeiro sábado, 9 de febreiro, co tradicional desfile de disfraces e carrozas. Dará comezo ás cinco e media da tarde, con punto de partida na Avenida de Castelao, á altura do establecemento Saint Tropez. Tomará dirección ao casco vello e rematará no Parque do Sagrado Corazón, onde se procederá á entrega de premios aos mellores disfraces. Xa a medianoite, o Concello de Cedeira organiza unha gran verbena coa orquestra D`Moda. E, segundo explicou Luis Rubido, habilitaráse unha carpa para garantir a festa e evitar cancelacións a causa da choiva. O luns, 11 de febreiro, os máis pequenos da casa terán todo o protagonismo. Así, no mesmo Parque do Sagrado Corazón, a partires das 17 horas, dará comezo un Baile infantil no que non faltará a música nin os xogos guiados por monitores.
© 2013 - Concello de Cedeira
Link: Concello de Cedeira
