A conselleira de Traballo e Benestar, Beatriz Mato, presentou esta tarde
en Cedeira unha Guía de boas prácticas no marisqueo a pé, que ten como
obxectivo impulsar prácticas saudables no día a día dos profesionais do
sector. O novo manual recolle os resultados dun estudo de saúde laboral
que elaborou o departamento que dirixe Mato a través do Instituto
Galego de Seguridade e Saúde Laboral (ISSGA), e Mar Seguro de Galicia, e
contou coa participación de máis de 1100 profesionais do sector, entre
eles, 22 mariscadoras e 12 redeiras de Cedeira.
© 2012 - La Voz de Galicia
O estudo describe as causas das principais enfermidades relacionadas co
traballo deste colectivo de forma que lles resulte fácil o asesoramento
nas medidas de prevención. O documento reflexa que os riscos máis comúns
entre as mariscadoras a pé son os derivados da adopción de posturas
forzadas; a realización de movementos repetitivos; a manipulación e
arrastre de cargas; ou a sobreexposición a axentes físicos como
humidade, sol ou temperaturas extremas.