Portal de Noticias Cedeira OnLine Café Bar A MARINA - Pleno extraordinario

A comisión executiva do PSOE de Cedeira celebrou onte unha reunión urxente co fin de abordar os recentes acontecementos, tras a aprobación dunha contía de 2,5 millóns de euros para o centro de saúde da vila, resultado dun convenio entre a Xunta de Galicia e o Ministerio de Agricultura.
As declaracións do goberno local (PP) en canto á necesidade de estudar a viabilidade dese proxecto foron criticadas desde o grupo socialista, que ve como unha necesidade que se acometan as obras, unha postura que, asegura o seu portavoz José Luís Vergara, é compartida polos profesionais do centro de saúde.
A reunión da executiva decidiu que hoxe mesmo se solicitará un pleno extraordinario no Concello co fin de tratar o tema do centro de saúde e o seu financiamento.

Vergara asegurou que a día de hoxe "non sabemos se o PP vai impulsar a construción ou renunciar a ese potente convenio". O portavoz socialista cualificou de "sorprendente" que o rexedor popular, Leopoldo Rubido, "descoñeza que en 2010 o centro de saúde estaba orzado pola propia Xunta e que o organismo autonómico e o Ministerio, ambas as institucións do PP, tivesen intención de formar un convenio de colaboración a este respecto".

Localización

As posibilidades de que se localice nun ou outro punto da vila, cuestións ás que fixo alusión estes días o goberno tola, non son, para o PSOE, senón asuntos menores.
Así, como apuntou Vergara, "calquera discusión sobre ese tema agora é confundir ao cidadán e saírse do tema central, a necesidade dun novo centro de saúde".

Link: DFONLine