Xavier Carro, deputado socialista pola provincia da Coruña no Congreso,
anunciou que abandonará a política tras o 20-N e regresa ao seu antigo
traballo nos estaleiros de Navantia. Carro, que foi unha das voces
críticas do PSOE contra a reforma da Constitución, asegurou a Xornal
que a súa decisión "non ten que ver co tema de reforma, ten que ver coa
situación do partido en Ferrol. Agora hai unha nova dirección con
Beatriz Sestayo, onde a xente mátase por un posto. É un bo momento para
dar un paso atrás e deixar que a dirección nacional galega decida
libremente quen quere que vos represente en Madrid".
Ao político, natural de Cedeira, non lle gusta andar a cotenadas por
entrar nas listas: "Matarme por un posto non só non gústame, senón que
me arrepía, sobre todo o de especular nos medios. Fronte a procesos
como o de Beatriz, eu tomei a decisión persoal e ou anuncio hoxe porque
é un día tan bo como calquera outro".
© 2011 - Xornal de Galicia
Link: XORONLine
