|
Menú | |
Online | |
Actualmente hay 38 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Débedas da PATRONA 2010 |
A pesar de que o Concello de Cedeira xa iniciou os trámites para sacar a
concurso a organización das festas da Patrona do 2011, a localidade
aínda arrastra as débedas e os problemas das últimas celebracións. A
comisión Santa María Do Mar, que organizou a celebración do ano pasado,
debe preto de 50.000 euros a grupos, orquestras e persoal operario que
participou nos últimos festexos patronais. Entre algunhas das bandas
afectadas están grupos como Burning ou Som Do Galpom.
O concelleiro de festas, Xermán Tobío, recorda que lles outorgaron unha
axuda de ao redor de sesenta mil euros e asegura que se o Concello
gastase o diñeiro dos veciños nesas débedas estaría «incorrendo en
prevaricación».
Enrique Patricio, mánager de Burning, asegura que aos seus representados
aínda lle deben 3.000 euros da actuación do pasado 13 de agosto.
Segundo Patricio, acordou coa comisión que lles pagarían o caché de
8.500 euros en efectivo. «O mesmo día do concerto dixéronnos que non o
tiñan, así que nos pagaron parte do soldo cun cheque asinado polo
responsable da comisión», explica Patricio. A sorpresa veu cando o
mánager intentou cobrar e o banco denegoulle o cheque por falta de
fondos. «A partir de aí foron todo escusas», lamenta.
Unha situación parecida viviuna o grupo Som Do Galpom, cuxo mánager
asegura que levará á comisión a xuízo. Á banda reggae débenlle máis de
2.000 euros.
Pola súa banda, o avogado que representa á comisión, Manel Seco,
confirma que existen estas débedas ás que o colectivo organizador non
pode facer fronte. «Estamos preparando unha reclamación contra o
Concello para presentar no xulgado», adianta Seco.
E é que desde a comisión aseguran que a administración local non cumpriu
cos compromisos acordados e a subvención outorgada non chega para facer
fronte aos gastos. «Temos documentos, pagarés e recibos que nos pediron
no Concello, que demostran que no seu día se comprometeron a pagar os
gastos», explica o avogado.
O concelleiro de festas, Germán Tobío, recorda que lles outorgaron unha
axuda de ao redor de sesenta mil euros e asegura que se o Concello
gastase o diñeiro dos veciños nesas débedas estaría «incorrendo en
prevaricación».
Link: VONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Débedas da PATRONA 2010" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|