|
Menú | |
Online | |
Actualmente hay 30 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Concello de Cedeira - Sector eólico |
Á espera do pronunciamiento definitivo por parte da Consellería de
Industria, que estuda o plan de repotenciación do sector eólico previsto
para A Capelada, "proposto por Endesa Renovables"o Concello de
Cedeira fai contas xa do que suporá para as arcas municipais a
culminación deste proceso, que se adapta á lexislación vixente para esta
materia.
O alcalde cedeirense, José Luís Vergara Rey, mostrábase moi satisfeito
pola boa nova, en tanto que permitirá ao consistorio incrementar os
beneficios que ata agora percibe pola utilización de terreos municipais
na Capelada por parte das compañías enerxéticas. Nesta zona da xeografía
cedeirense é onde se sitúa un dos parques eólicos con maior
aproveitamento anual, debido a que a incidencia do vento neste lugar é
óptima, como apuntou o rexedor. "Aquí aprovéitanse da orde de 2.800
horas anuais, a diferenza doutros parques que rexistran unha media de
2.000", explicou o primeiro edil cedeires.
Vergara Rey mostrouse confiado en que a Consellería de Industria
pronúnciese en breve con respecto a este asunto, xa que o Concello
podería pasar a percibir da orde dos 250.000 euros anuais. Unha cifra
moi por encima da cantidade que cobra agora, uns 42.000 euros. A
diferenza económica viría compensar carencias como o declive do sector
da construción. De feito, representa unha cifra económica similar aos
fondos do POS que a Deputación destinou á vila este ano. O Concello
pasará agora a percibir unha porcentaxe do 3% dos beneficios que Endesa
Renovables obtén co parque cedeirense, da orde dos oito millóns ao ano,
como apuntou o alcalde.
Os aeroxeradores da Capelada son capaces de producir de 30 a 40
megavatios de potencia, unha cantidade moi elevada se se compara cos 1,2
megavatios que se poderán obter coa planta de biomasa que se instalará
en breve no polígono da Trabe.
Recuperación da contorna
A repotenciación do parque eólico
cedeirense, implica reducir o número de estruturas, xa que as de nova
xeración obteñen maior potencia que as antigas. Isto permitirá, segundo
explicou o alcalde, que por cada tres muíños instalados agora na
Capelada deba colocarse tan só un.
Ao reducir a superficie natural afectada a idea é recuperar o espazo
ocupado polas vellas estruturas, algo ao que se comprometeu a compañía
enerxética. Dos aeroxeradores instalados actualmente na Capelada, uns 40
atópanse en chan cedeirense.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Concello de Cedeira - Sector eólico" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|