| Prazo de reserva de praza, preinscrición e matrícula |
Prazo de reserva de praza, preinscrición e matrícula para persoas usuarias de 86 Galescolas para o curso 2009/2010
A Xerencia do Consorcio Galego de Servizos de Igualdade e Benestar
anuncia a apertura do prazo para a reserva, preinscrición e matrícula
nas Galescolas de: A Bola, A Fonsagrada, A Laracha, A Rúa, Abegondo,
Allariz, Antas de Ulla, Arzúa, As Neves, Baiona, Bande, Boiro, Bueu,
Burela, Cambre, Camariñas, Campo Lameiro, Cangas, Carballeda de
Valdeorras, Carballiño, Carballo, Carral, Castro Caldelas, Cerdedo,
Cedeira, Coles, Covelo, Crecente, Culleredo (A Tartaruga), Culleredo
(Vilaboa-Fonte da Balsa), Culleredo (O Burgo), Chantada, Dodro, Fene,
Forcarei, Gondomar, Illa de Arousa, Lalín (Pontiñas), Lalín (Polígono),
Mancomunidade Navea-Bibei, Mondoñedo, Moraña, Mos, Muiños, Muxía,
Nigrán, Nogueira de Ramuín, O Barco de Valdeorras, O Grove, O Rosal, O
Valadouro, Oia, Oleiros (A Pardela), Oleiros (As Galeras), Oleiros (A
Canteira), Ortigueira, Ourense (Barrocás), Ourense (Rúa Colón), Pantón,
Pereiro de Aguiar, Poio, Ponteceso, Porriño (Donantes de Sangue),
Porriño (Pol.Torneiros), Portas, Quiroga, Rairiz de Veiga, Rianxo,
Ribadavia, Rois, Salceda de Caselas, Santiago (San Roque), Santiago
(Tambre), Soutomaior, Taboada, Toén, Tomiño, Viana do Bolo, Vigo (Rúa
Palencia), Vila de Cruces, Vilaboa, Vilamarín, Vilamartín de
Valdeorras, Xinzo de Limia, Xunqueira de Ambía e Zas para o vindeiro
curso 2009-2010.
O prazo para a reserva e renovación de praza para as crianzas que
estiveron na Galescola no curso 2008-2009, así como para as fillas/os
das traballadoras/es das galescolas e para os/as irmáns/irmás con praza
no centro, será do 1 ao 14 de marzo, ambos os dous incluídos.
O prazo de preinscrición para novas/os usuarias/os é do 15 de marzo ao 15 de abril. As instancias recolleranse dende o día que comenza o citado prazo, nos enderezos que aparecen no Anexo I da resolución da Xerencia, en horario de 10 a 14 horas e de 16 a 20 horas
A listaxe provisional de admitidos/as e excluídos/as publicarase do 15
ao 30 de maio. O prazo de reclamación é de 10 días hábiles contados
dende o día seguinte ao da súa publicación.
A listaxe definitiva de admitidos/as e excluídos/as farase pública do 15 ao 25 de xuño.
Tanto os listados provisionais como os definitivos publicaranse no
taboleiro de anuncios dos Concellos, das Galescolas e no do Consorcio
Galego de Servizos de Igualdade e Benestar, así como nesta páxina web.
O prazo de matrícula, tanto para os que fixeron reserva
e renovación como para os que fixeron preinscrición, será do 26 de xuño
ao 10 de xullo.
Tal e como consta no Regulamento de Réxime Interno das Galescolas,
de non formalizar a matrícula no prazo estipulado, decaerá o dereito á
praza aínda tendo reserva ou aparecendo na listaxe de admitidos/as.
Data de publicación: 25/02/2009
Consulte aquí a resolución da Xerencia
Link: Vicepresidencia Xunta de Galicia Consorcio
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|