|
Menú | |
Online | |
Actualmente hay 42 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| O texto da ILP impulsada pola Plataforma Queremos Galego no Parlamento |
Anonimo escribió " A proposición de lei pretende “garantir inequivocamente” o uso oficial do galego no ensino e nas administracións públicas de Galiza para que a cidadanía poida “exercer plenamente os seus dereitos lingüísticos” A plataforma cidadá presentou o pasado 18 de outubro máis de 30.000 sinaturas en apoio á tramitación da proposición
Santiago de Compostela, 9 de decembro de 2010.- O pleno do Parlamento de Galiza debaterá o vindeiro 14 de decembro a toma en consideración da proposición de lei impulsada no seu día pola Plataforma Cidadá Queremos Galego para “a garantía e protección dos dereitos lingüísticos no ensino e no ámbito das administracións públicas” a través do procedemento de Iniciativa Lexislativa Popular (ILP).
Dado que a Mesa do Parlamento decidira rexeitar, nunha resolución
insólita que por vez primeira na historia non contou co consenso das
tres forzas políticas, a tramitación da ILP rexistrada por unha comisión
promotora de 24 persoas representantivas de diferentes entidades e
eidos da vida social e cultural do país, o texto chega agora ao pleno do
Parlamento logo de que o grupo parlamentario do BNG, organización
integrante de Queremos Galego, ofrecese rexistralo como unha proposición
de lei de seu, respectando a súa literalidade. Malia non contar coa
autorización do Parlamento para poder tramitar a iniciativa lexislativa
polas canles legalmente estabelecidas, a Plataforma Queremos Galego
desenvolveu a partir do mes de abril por toda Galiza unha intensa
campaña social para difundir o texto dunha proposición lexislativa, como
sempre se indicou, “non só non pretende modificar” a Lei de
Normalización Lingüística ou o artigo 5 do Estatuto de Autonomía,
“senón, ben ao contrario, afortalar e desenvolver o seu contido, sen
cambialo”. Paralelamente, a plataforma cidadá que impulsa e coordina A
Mesa pola Normalización Lingüística e agrupa na actualidade máis de 700
entidades de todo tipo articulou un proceso de recollida de apoios á
tramitación da ILP entre cidadás e cidadáns maiores de idade censuados
nalgún dos 315 concellos galegos, é dicir, coas mesmas condicións
sinaladas legalmente para a recollida de apoios a unha ILP. Finalmente,
logo de varios meses de actos informativos, mesas na rúa ou actividades
lúdicas de diversa tipoloxía, o pasado 18 de outubro foron entregadas
máis de 30.000 sinaturas no rexistro do Parlamento de Galiza, ao coidado
dos diferentes grupos parlamentarios, coincidindo co primeiro
aniversario da primeira gran manifestación cidadá convocada por Queremos
Galego desde a súa creación. Como a comisión promotora da ILP non
ten posibilidade legal de intervir no debate plenario para expor os seus
argumentos, o portavoz de Lingua do BNG, Bieito Lobeira, que intervirá
en primeiro lugar por ser o representante do grupo que rexistrou a
proposición como propia, dará lectura a un texto que Queremos Galego
elaborou para a ocasión. Tanto os grupos parlamentarios do BNG como
do PSdG-PSOE confirmaron a Queremos Galego, logo de encontros mantidos
con eles hai varios meses, o seu voto favorábel á toma en consideración
da proposición de lei no pleno do vindeiro 14 de decembro. A plataforma
cidadá agarda que o grupo do Partido Popular “non desaproveite a
oportunidade de voltar aos consensos básicos en materia de lingua” e
confía en contar “co voto favorábel do grupo popular á tramitación dunha
lei inspirada nunha lexislación en un Plan xeral de normalización
aprobados no seu día co seu apoio”.
Fernando Iglesias Bouza (Responsable local da Mesa pola Normalización lingüística). "
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
"O texto da ILP impulsada pola Plataforma Queremos Galego no Parlamento" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|