Portal de Noticias Cedeira OnLine Café Bar A MARINA - Vergara contesta oa PP de Cedeira

O alcalde de Cedeira, José Luís Vergara Rey, saíu ao paso onte das acusacións realizadas desde o PP nas que criticaban a suposta contratación como persoal de confianza da parella sentimental do segundo tenente de alcalde. O rexedor municipal lamenta a bajeza das afirmacións do PP con tal de desacreditarlle e recorda que o caso concreto da persoa á que se refiren os "populares" non se corresponde con ningún contrato de libre disposición. "Esta persoa aprobou un concurso-oposición de persoal interino fai case un ano, de ningún xeito trátase dun cargo de confianza e está aí polos seus propios méritos", asegurou.

No entanto, o alcalde confirmou a contratación como persoal de confianza dunha persoa a tempo parcial ao comezo de mandato. Trátase do coordinador de Protección Civil, empregado que se encarga tamén dos labores de xestión do catastro. Vergara recorda que se decidiu esta contratación cando o seu antecesor no cargo, contratado polo PP como persoal de libre disposición, pedía por facerse cargo do catastro un aumento de soldo, pasando de 6.000 euros anuais a 10.000, ?e iso que só traballaba unha vez ao mes?, asegurou o rexedor. "Casualmente a este mozo si que lle coñezo a noiva e que eu saiba non é parella de Tobío, que podería selo, pero non é o caso", puntualizou o alcalde cedeirense, que explicou que non é costume seu "preguntar ás persoas que se presentan ás oposicións se están ou non emparentadas con alguén que eu coñeza". Neste sentido, Vergara asegurou que "doume toda a présa que podo para convocar as prazas que hoxe están cubertas por interinos a través da oposición pública, xa que de non ser así nunca terían oportunidade de entrar os mozos", dixo. Así mesmo, recordou que nos tribunais, non hai políticos, "máis ben funcionarios, na súa maioría contratados durante o goberno do PP e quero pensar que entón se fixeron as cousas conforme ao dereito". O rexedor cedeirense tamén engadiu que se el tivese a mínima sospeita e proba de arbitrariedade en relación coa contratación de persoal "iría ao xulgado directamente".
Vergara Rey lamenta que o PP non teña máis recursos para criticar o seu labor á fronte do goberno municipal que a través da difamación. Ademais, considera que todo isto non son máis que cortinas de fume para ocultar as numerosas "irregularidades urbanísticas que se deron durante o goberno do Partido Popular", algunhas das cales están saíndo á luz nos últimos meses, como as sentenzas do TSXG que obrigan ao Concello a asumir un gasto superior aos 240.000 euros en concepto de multas, ademais doutra sobre lesións a un menor que se feriu nun parque municipal e da que acaban de ser informados.

Link: DFONLine