Portal de Noticias Cedeira OnLine Café Bar A MARINA - BNG: garantir o futuro de Vulcano

O portavoz de Industria do g.p do BNG, Henrique Viétez, defendeu unha iniciativa, onte a última hora da tarde e aprobada hoxe por unanimidade na Cámara galega, instando ao Goberno galego a iniciar as xestións necesarias a prol dunha solución para o estaleiro Factorías Vulcano de Vigo.

O texto definitivo, aprobado por unanimidade na Cámara galega a iniciativa do BNG, insta á Xunta de Galiza a iniciar xestións co Ministerio de Industria, Turismo e Comercio para chegar a unha posición común reforzada que permita a continuidade da empresa Factorías Vulcano.

Este acordo tamén contempla que, o Goberno galego utilice as súas competencias para que PYMAR avale os créditos destinados á construción dos buques actualmente en carteira e para isto, dará o primeiro paso nos avais necesarios coa aportación de 16,7 millóns de euros, pola Xunta de Galiza, para garantir a construción do buque 533 que ascende á cantidade de 21 millóns de euros.

Por outra parte, a través deste acordo, o Goberno galego tamén se compromete a utilizar os instrumentos dos que dispón para completar as necesidades financeiras de Vulcano cara a busca dunha solución de futuro e a súa vez, dentro dos programas de internalización das empresa galegas, crear unha nova liña de axuda que permita reforzar a busca de novos mercados para a industria naval galega.

O deputado do BNG lembrou que, tanto os traballadores como a dirección de Vulcano desenvolveron “un importe esforzo” para seguir no proceso de saneamento da empresa e esta liña de crédito permitirá avanzar na capacidade produtiva do asteleiro.
Viétez resaltou que 200 traballadores seguen pendentes dunha solución ao igual que 800 que dependen das empresas auxiliares polo que –na súa opinión, “o acordo acadado hoxe, pode ser un primeiro paso para a continuidade produtiva de Vulcano”.

Link: BNG-Galiza - M.F.C.