|
Menú | |
Online | |
Actualmente hay 42 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Percebeiros vs Confraría |
Algúns percebeiros de Cedeira, un colectivo ao que están vinculados case
un centenar de profesionais, non senten representados polas persoas que
a día de hoxe están á fronte da Confraría de Pescadores. Piden a
celebración de eleccións anticipadas e argumentan a súa postura en base á
practicamente nula comunicación que a día de hoxe existe entre o citado
colectivo e os responsables do depósito cedeirense. Neste sentido
manifestábase onte Ramón Paz, un traballador con longa traxectoria
profesional vinculada ao percebe e responsable, a finais dos anos
noventa, da agrupación que se constituíu a partir da repartición da
denominada Zona Oitava.
Ramón Paz entende que os intereses do colectivo non son prioritarios
para os actuais responsables da Confraría, aínda cando a extracción do
percebe representa unha das principais fontes de ingresos para o
depósito.
Neste sentido, Paz subliñou que "por encima de todo están os valores da
xente do mar" e recordou que "houbo un tempo no que había aspiracións e
unidade", e no que ata se chegou a barallar a posibilidade de crear unha
denominación de orixe para identificar os percebes que son extraídos en
determinadas épocas do ano da zona comprendida entre o faro de Meirás e
a referencia costeira denominada Pedra do Barcelona.
Os mercados nacionais, segundo este representante dos percebeiros da
zona de Cedeira, están saturados de produtos que chegan doutras costas
de Europa e África e esta situación, en opinión de Ramón Paz, prexudica
de tal forma ao sector que pon en perigo desde os postos de traballo ata
o recoñecemento mundial que merece "un produto único".
"Nunca tan mal estivemos".
É a opinión que onte reiterou Ramón Paz en varios momentos da conversación que mantivo coa redacción de Diario de Ferrol.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Percebeiros vs Confraría" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|