A política de non permitir excesos nin urbanizacións ilegais vai dando
os seus froitos en Cedeira. Recentemente un muro sen licenza e que non
gardaba as distancias obrigatorias ao centro do camiño está sendo
derrubado na zona de San Isidro. tiveron que pasar varios anos e
reiteradas sancións impostas aos seus propietarios, para que se
executase a orde de demolición do mesmo.
Aínda que con lentitude, estas obras e eses muros que todos observamos
que "comen" terreo aos camiños por arte e graza do seu propietario, van
ir desaparecendo aos poucos, coa lei na man. É o que ten gobernar contra
algúns insurrectos que se apropian de metros que non son seus senón de
todos os cedeirenses, que hai que facelo a base de sancións e/ou ordes
de derriba, porque non atenden a outras razóns.
O "eu fago porque me dá a gana" está pasando por malos momentos, xusto o
contrario que empezamos a recuperar o resto dos cedeirenses, bos
momentos e anchas pistas para circular. Esperemos que esta tendencia
continue.
© 2010 - Diario de Cedeira
Link: Diario de Cedeira