|
Menú | |
Online | |
Actualmente hay 64 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| INTRODUCCIÓN AO PLENO EXTRAORDINARIO DO CONCELLO DE CEDEIRA |
Os pobos precisan de vías de comunicación para o seu desenvolvemento,
para exportar e importar productos ou para o desprazamento das persoas.
Cedeira conta fundamentalmente cunha estrada que a relaciona co
exterior, a AC-566, de carácter autonómico. Atrais deixamos, para o noso
mal, o labor de cabotaxe do porto, de onde saían os puntaleiros no
pasado. Polo tanto, polo surleste hacia Ferrol e polo noroeste hacia
Cerdido e Ortigueira, a AC-566 comunícanos co mundo. É hacia Ferrol e
Narón onde se producen o maior número de movementos, hacia os
hospitais, hacia os nús de comunicacíon, hacia a universidade ou aos
departamentos administrativos e establecementos comerciais. A vocación
turística do noso Concello satisfaise tamén a través desta vía, que pode
arroxar circulacións que superan os 4.000 vehículos diarios ata
Valdoviño e máis de 15.000, desde Valldoviño a Narón. O seu trazado,
na meirande parte, é o orixinal e somentes podemos salientar melloras de
certa importancia en obras realizadas fai máis de 20 anos cando se lle
dá un avance certo, para a súa época, no que respecta ao melloramento de
certas curvas e construcción dalgunha ponte durante o goberno do
Presidente González Laxe. O 31 de autubro do 2007 a
Conselleira María José Caride comprométese co Alcalde de Cedeira a dar
pasos definitivos no ano 2008 no que respecta as comunicacións de
Cedeira, especialmente á AC-566. O 3 de decembro do 2007
esta mesma Concelleira reúnese con todos os alcaldes do Ortegal e da
Mariña lucense para informar da Vía de Alta Capacidade entre Ribadeo e
Ferrol comprometéndose a tela remata no horizonte do 2011, data que lle
pareceu demasiado alonxada a determinados alcaldes aos que hoxe lles
parece ben a data do 2017. O 23 de xaneiro do 2008 o
Presidente Pérez Touriño visita Cedeira, inaugurando a ampliación do IES
Punta Candieira, e confirma os compromisos adquiridos pola Conselleira
Caride. No ano 2008 e 2009 abórdase un proxecto de mantemento e
seguridade vial que tiñan carácter transitorio, toda vez que se estaba a
elaborar o proxecto definitivo que supuxera a superación das
deficiencias máis importantes desta vía. Afectou a beirarrúas,
proteccións laterais adaptadas para as motocicletas ou mellora do
firme, por exemplo nas travesías de Cedeira ou instalación de semáforos
na Avda. de Castelao. Igualmente procédese ao pintado e recuperación
para o uso viario de curvas abandonadas polos novos trazados, como é o
caso na Maravilla que resolve a incorporación á esquerda ou a curva do
fundal de Virizo. No ano 2008 realízase o Informe sobre ACTUACIÓNS DE
MELLORA DE CAPACIDADE E SEGURIDADE ENTRE FERROL E CEDEIRA que definía 4
tramos dos cales o Goberno presidido por Pérez Touriño realizou os
proxectos entre Narón e Valdoviño e entre Valdoviño e Cedeira. Nos
presupostos do 2010 o goberno do Presidente Núñez Feijóo incorpora a
execución do tramo entre Narón e Valdoviño quedando os outros tres no
limbo dos xustos , a pesar da reclamación deste Pleno instando á Xunta a
que incorporase o tramo entre Valdoviño e Cedeira, dado que é o máis
perigoso como tráxicamente o tempo se encargaría de confirmar. Así as cousas, a principios deste ano,
o alcalde entrevístase co Conselleiro de Medio Ambiente, Territorio e
Infraestructuras, Agustín Hernández ao que se lle reiteran as eternas
reivindicacións do pobo cedeirés, entre as que se atopa o acordo
plenario de novembro do 2009 sobre a necesidade de dar pasos na mellora
da Estrada entre Narón e Cedeira sen que ata o momento se lle dese
contestación algunha. Desde o Goberno Local confiabamos no necesario
respecto entre as institucións e na altura de miras dos nosos
gobernantes. Levamos ano e medio utilizando a paciencia e a
argumentación como únicos mecanismos para convencer á Xunta presidida
por Núñez Feijóo, de que a carretera entre Narón e Cedeira é sumamente
perigosa e que necesita da súa inmediata mellora. Mais a suma de
accidentes co peor dos resultados, acumulados neste ano, amósanos a máis
cruel das realidades e esixen dos representantes de Cedeira que deamos
novos pasos e fagamos oir o noso clamor diante dos Conselleiros de
Santiago. Os dezaoito meses da gobernación da actual Xunta de Galicia
non están considerando que existan cidadáns máis alá de Valdoviño e do
Campo do Hospital. Ante esta situación, consideramos que o tempo das
cortesías está rematado, xa que os nosos argumentos carecen de valor en
Santiago. Pedimos a toda a Corporación de Cedeira a unidade en torno á
reivindicación de mellora na AC-566, incluíndo a execución do tramo
entre Valdoviño e Cedeira e a inmediata contratación dos estudios
correspondentes ás variantes de Valdoviño e Cedeira e emprendamos as
accións movilizadoras precisas para conseguir que os gobernantes da
Xunta de Galicia inclúan a Cedeira nas súas decisións. JOSÉ LUIS VERGARA REY Alcalde
En Cedeira, a 31 de agosto de 2010
Link; Envíos
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"INTRODUCCIÓN AO PLENO EXTRAORDINARIO DO CONCELLO DE CEDEIRA" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|