|
Menú | |
Online | |
Actualmente hay 82 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Vida social da vila de Cedeira |
Unha nova entidade incorporouse recentemente á vida social da vila de
Cedeira. Nesta ocasión, trátase dun grupo de 200 veciños que, ademais
das preocupacións habituais de calquera persoa, teñen que facer fronte á
dificultade de moverse en cadeira de rodas.
Raquel Pardo Orjales é a primeira presidenta da Asociación de
Discapacitados Sobrerodas de Cedeira e unha das persoas que están detrás
da primeira convocatoria pública que realiza a entidade desde a súa
recente constitución.
A iniciativa levará á práctica o día 31 do presente mes e consistirá
basicamente nunha campaña de sensibilización, que terá lugar na praza
Vermella, e nun percorrido pola localidade, en compañía do rexedor
municipal, José Luís Vergara, para dar conta daquelas accións que poden
mellorar considerablemente a vida diaria dunha persoa con problemas de
mobilidade.
A repartición de panfletos dará comezo ao redor das doce do mediodía,
mentres que o paseo está pendente da axenda do primeiro edil.
Hábitos
A presidenta, Raquel Pardo, adiantou os
contidos da campaña organizada para o sábado e, neste sentido, explicou
que se trata de demostrar á cidadanía en xeral que hábitos tan comúns
como pode ser o estacionamento dun vehículo nunha beirarrúa poden supor
un serio problema para unha persoa que se despraza en cadeira de rodas
ou utiliza muletas.
Esta dificultade tamén se xera sempre que non se respectan os
estacionamentos habilitados para o uso exclusivo dos discapacitados e as
consecuencias poden ser aínda máis graves no caso deses condutores que
se impacientan cando as persoas que cruzan os pasos de peóns teñen
delimitadas as súas facultades físicas. Aínda que recoñeceu que durante
os últimos anos deuse un paso de xigante en canto ao asunto da
accesibilidade urbana, a presidenta, no entanto, considera que existen
algunhas materias pendentes.
Así, sinalou a necesidade de ampliar o número de prazas de aparcadoiro
para minusválidos, especialmente no casco histórico, a adaptación do
local de correos ás normas de accesibilidade e a mellora dalgunhas
beirarrúas para que os discapacitados teñan a posibilidade de moverse
por todo o termo municipal.
Por outra banda, Raquel Pardo invitou aos veciños da vila a sumarse á
iniciativa que se convoca para o último día do presente mes e recordou
que se trata de sensibilizar aos cedeirenses sobre o día a día que, polo
menos para 200 habitantes do municipio, representa moverse por unha
localidade que para eles aínda hoxe ofrece certas dificultades.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Vida social da vila de Cedeira" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|