GALITOON PRESENTA: "Rosalía, a pulga que escribía"
AUDITORIO MUNICIPAL - DOMINGO 2 DE MAIO - 18:30 H
ENTRADAS: ADULT@S 2,50 € - NEN@S 1,50 €
Despois das exitosas Golulá e Babiliglub, a produtora
afincada en Teo presenta un espectáculo no que incorpora á súa
disciplina outra técnica de manipulación: monicreques sobre mesa.
Galitoon continúa así coa súa constante experimentación. Por iso, nesta
nova peza cambia de estilo no deseño de arte e cambia a técnica de
manipulación sen esquecer o seu selo propio e característico baseado en
contidos intelixentes, plasticidade impactante e musicalidade.
Sinopse:
Había unha vez, unha pulga moi, moi pequena: Rosalía.
Rosalía escribe unha carta cada día. Métea nun sobre, ponlle un selo e mándaa por correo. Bruno, o Canguro, un carteiro moi especial, encárgase en persoa de levarlla ao seu destinatario.... e lérllela:
Á señora Toupa porque non ve.
A Dona Xirafa porque perdeu as gafas.
Á ovella porque non sabe ler.
E a Mr Elefante porque só sabe ler en inglés.
O contido da carta é unha invitación:
O MARTES 3 ÁS 10 UNHA FESTA NA CASA DE ROSALÍA.
Todos reciben unha carta, todos, menos Bruno, o Canguro.
Por que?
Porque é unha festa sorpresa para el!
Link: Concello de Cedeira - Cultura