|
Menú | |
Online | |
Actualmente hay 38 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Entra en vigor a lei do solo |
"Permitirá rachar cunha situación insostíbel". Esa é a avaliación que
este mércores realizou o voceiro de Ordenación do Territorio do grupo
parlamentario do PP, Román Rodríguez, ao respecto da entrada en vigor da
nova Lei do Solo. De paso, o parlamentario popular afirmou que se trata
dunha "aposta real pola ordenación do territorio" logo do que definiu
de "inacción e irresponsabilidade do bipartito". A este respecto
referiuse en concreto á lei que freou a construción nos 500 metros desde
a liña de mar, asegurando que tivo "efectos perversos" e dubidando de
que fose capaz de parar a construción na costa. Para
Rodríguez a nova lei do solo é unha norma que axudará a "axilizar" os
planeamentos urbanísticos e acelerar as tramitacións administrativas dos
plans municipais. Salientou o deputado dezao o exemplo de que dun golpe
se vaian resolver os trámites de avaliación ambiental estratéxica e
tramitación urbanística. A maior competencia dos concellos na
tramitación de expedientes en solo rústico e adaptación de plans xerais a
cada ámbito municipal foi tamén destacada por Román Rodríguez, quen
valorou que neste sentido a Xunta acadase un acordo coa Fegamp.
Norma ás présas en prol da "barra libre"
No debate parlamentario previo, a lei que agora entra en vigor
estivera a piques de contar coa beizón do grupo do PSdeG, que finalmente
non lle concedeu o aval aos populares debido ao desacordo sobre as
garantías de protección para a área de Touriñán onde Pescanova
proxectaba instalar unha piscifactoría. Por outro lado,
recordámoslles que a voceira de Territorio do grupo do BNG, Teresa
Táboas, fora moi belixerante con esta norma, cualificándoa de documento
"incoherente" e "apresurado" advertindo de que afonda en políticas cara á
"barra libre". "Trapallada" e "chapuza" foron outras definicións
adicadas pola deputada nacionalista a esta lei do solo. Entre outros,
denunciou Táboas o exemplo de que a lei permita a construción de "casas adosadas"
en núcleos históricos tradicionais. "Permitir isto é como aceptar pulpo
como animal de compañía", ironizou laiándose ademais de que se
introduzan mecanismos que noutras zonas, como o Levante, favoreceron
casos de corrupción. Táboas insistiu tamén en que a
secuencia lóxica tería sido aprobar primeiro as directrices do
territorio, "tal e como se comprometera o propio Feijoo na súa
investidura" e a partir de aí pasar a desenvolver o resto de normativas.
Unha opinión que é compartida polos ecoloxistas. Por exemplo desde
Adega, recordaban días atrás que a anterior lei xa foi obxecto dun
"escandaloso e xeneralizado incumprimento", coas administracións neste
tempo máis preocupadas de "favorecer a especulación e o negocio privado"
antes ca o interese social e pensan que a nova norma mesmo empeoraría a
situación. Pendentes as directrices do territorio e o
plan do litoral Malia estar xa comezada a casa polo tellado,
na opinión de oposición e ambientalistas, desde a Consellaría de
Territorio concedían este mércores que cando menos as Directrices de
Ordenación do Territorio (DOT) si estarán listas antes do Plan de
Ordenación do Litoral. Con todo, semella ir ser unha elaboración case
simultánea, xa que o conselleiro Agustín Hernández, na súa intervención
para explicar o balance do seu departamento e as prioridades para os
vindeiros meses, afirmou que "neste ano 2010 aprobaremos
provisionalmente as DOT e as elevaremos ao Consello da Xunta como paso
previo á súa remisión ao Parlamento, e inmediatamente despois
aprobaremos no Consello o Plan de Ordenación do Litoral". "Será un ano
transcendental dende o punto de vista do territorio e o urbanismo, ao
contar con dous documentos necesarios e longamente agardados",
sentenciou.
Link: VIONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Entra en vigor a lei do solo" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|