|
Menú | |
Online | |
Actualmente hay 32 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Nova ruta circular |
O Club Montaña Ferrol presentou un proxecto ao Concello de Cedeira para
habilitar unha ruta circular que bordearía gran parte do territorio
cedeirense. Trátase dun estudo que xa foi presentado ao goberno
municipal e que está sendo estudado polos responsables do consistorio,
aínda que ata a data aínda non se asinou o convenio que permitiría pór
en valor este itinerario, tal e como se informou desde o citado club.
Esta nova ruta circular comprendería un percorrido duns 40 quilómetros
cunha dificultade media-alta. Segundo as formulacións do Club Montaña
Ferrol, o percorrido iniciarase na praia da Magdalena, continuando ata
Punta Robaleira cara a San Andrés de Teixido -non se contempla chegar ao
santuario senón á parte alta do mesmo-, posteriormente continuarase
pola Garita de Vilar, cara ao Castelo da Concepción, concluíndo así a
ruta circular, que parte dun lado da vila e regresa polo outro. Durante o
traxecto os camiñantes poderán gozar de vistas privilexiadas da praia, o
mar, os cantiis e a serra da Capelada, en definitiva, de gran parte do
potencial turístico que presenta a vila e desde distintos puntos
xeográficos.
Tal e como figura no proxecto, a ruta farase no sentido das agullas do
reloxo, para evitar unha importante pendente no inicio do camiño, que é a
que se corresponde coa baixada cara á vila camiño do Castelo de
Concepción. Deste xeito, o inicio de ruta desde A Robaleira cara a San
Andrés aínda que é en subida, faise de forma graduada, segundo explicou
Xan Ramírez, do Club Montaña. Á altura da Garita de Vilar tamén haberá
que facer fronte a 200 metros de desnivel, pero aínda así se deseñou un
percorrido para ser ?alcanzable, aínda que con algo de esforzo?,
puntualizou Ramírez.
O valor desta nova ruta, que foi ideada en colaboración cun grupo de
camiñantes que percorren a diario o municipio cedeirense e son bos
coñecedores dos camiños tradicionais que se pretenden recuperar, radica
na súa importancia turística e tamén no seu valor deportivo, destacou
Xan Ramírez.
En canto ao custo deste proxecto, desde o Club Montaña Ferrol estiman
que a organización da marcha, cuxa inauguración está prevista para o mes
de setembro, suporía un custo de 3.000 euros, que se descontarían, só
nunha parte, das cotas de inscrición. A parte de marcado da ruta sería
competencia do Concello.
Desde o Club Montaña Ferrol traballan xa noutro proxecto, aínda que con
uncarácter moito máis didáctico, que terá como referene a serra da
Capelada.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Nova ruta circular" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|