|
Menú | |
Online | |
Actualmente hay 88 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| SOBRE RODAS |
Por Diego Rodríguez Piñón
"Cuba, Valencia… as novas
informativas recórdannos que a liberdade e a independencia seguen
cotizando á baixa para os poderes establecidos. Por desgracia ocorre a
diario e non importa a dimensión territorial ou social da que falemos.
Isto sabeo ben, tamén a nivel local, a asociación sociocultural de
discapacitados “Sobre Rodas” de Cedeira, recentemente creada e
presentada en público no auditorio da vila o pasado 6 de marzo. Na súa
etapa anterior, aínda sendo delegación da Asociación Sociocultural de
Minusválidos de Ferrol, ante a petición de apoio para o servizo de
transporte adaptado, un político con altas responsabilidades no goberno
municipal díxolles : “Antes de que o fagades vos, prefiro facelo eu”.
Este comentario deixaba meridianamente clara cal era a súa visión da
cooperación e o interés público no desenvolvemento asociativo.
Intentouno facer cunha empresa foránea, pero fracasou. Faltoulle o máis
necesario, o apoio social. Máis dolorosa por vir dos propios compañeiros
foi a reacción da entidade matriz ferrolá, cando os de Cedeira, nun
necesario exercicio de reflexión, maduración e responsabilidade co
futuro das persoas asociadas deciden intentar a aventura da acción
social de forma autónoma, libre e independente. A rápida resposta foi a
retirada de carteis e dunha furgoneta. Prefireuse apartala da
circulación antes que dialogar para cedela, alugala ou vendela. Xa sós
seguen na loita e na dura ruta da vida asociativa.Vímolos ledos cun novo
vehículo alugado e cos seus proxectos e actividades intactos. Pois
parafraseando a quixotesca frase, saben que “Ladran, logo vamos sobre
rodas”." © 2010 Diego R. P.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 4.5 votos: 2
| |
Opciones | |
|
"SOBRE RODAS" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|