|
Menú | |
Online | |
Actualmente hay 42 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Pleno Congreso: luz verde á moción do BNG |
O Pleno do Congreso dos Deputados aprobou este mediodía a moción da
deputada do BNG, Olaia Fernández Davila, que insta ao Goberno a pagar,
de forma urxente, as axudas pendentes aos mariñeiros afectados polos
paros biolóxicos estipulados para o pasado ano 2008. Aínda non cobraron
os mariñeiros de pescada norte (NEAFC), pescada sur e cigala, e a frota
de NAFO.
A sesión plenaria de hoxe debatía unha moción da autoría de Davila
sobre este tema. En aras ao acordo, a deputada do BNG aceitou
transaccionar un texto final co grupo socialista xa que incluía as
principais demandas dos nacionalistas galegos.
O acordo pede ao Executivo que se aceleren os pagos polos paros
realizados ou a realizar neste ano 2009 xa que, lembrou Davila, parte
da frota de Nafo recibiu as axudas en outubro deste ano cando estamos a
falar de paros realizados en 2008, un ano máis tarde. “Queremos que se
aceleren as axudas de 2009 e que non se repita o acontecido cos paros
do pasado ano”.
O acordo insta ao Goberno a mellorar as tramitacións
administrativas para acelerar o pago das axudas e evitar os retrasos de
2008
A parlamentar do BNG salientou especialmente o punto que empraza ao
Goberno a mellorar os mecanismos administrativos para acelerar a
tramitación das subvencións a fin de evitar as demoras rexistradas no
caso anterior. Explicou que esta situación se debe “á engorrosa e
dificultosa tramitación recollida nas Ordes Ministeriais. Esta
circunstancia fai que os mariñeiros vaian ao seguro de desemprego, e o
problema xurde cando queren cobrar as axudas do Fondo Europeo de Pesca
e resulta que antes teñen que devolver o importe íntegro cobrado no
paro”.
A deputada do BNG puxo de manifesto o sinsentido disto xa que o normal
sería que “se lles descontase das axudas europeas o paro recibido en
lugar de devolver todo antes”. Argumentou a importanza de que os
mariñeiros reciban as axudas do Fondo Europeo de Pesca, primeiro porque
“son máis altas” e en segundo lugar, porque se corresponden con fondos
da UE e non con fondos da Seguridade Social, caso do paro”.
De aí que o acordo inste ao Goberno a “habilitar un sistema que permita
coordenar a axuda pagada aos tripulantes polo Instituto Social da
Mariña (ISM) co desconto no percibido en concepto de prestación por
desemprego”.
Xunta co sector antes de fin de ano
Nun último punto, emprázase ao Executivo a acordar canto antes unha
xunta co sector pesqueiro a fin de buscar acordos sobre a xestións das
axudas. Neste sentido, a deputada do BNG recalcou que o Goberno debe
reunirse co sector antes de rematar o ano e resolver así os problemas
pendentes.
Link: BNG
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
Tópicos Asociados
|
|
"Pleno Congreso: luz verde á moción do BNG" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|