Portal de Noticias Cedeira OnLine Café Bar A MARINA

O Concello de Cedeira tomou no seu día o acordo de adherirse ao Consorcio Galego de Igualdade e Benestar en base a un principio de acordo de face á ampliación da, por aquel entón, escola infantil municipal. Na xornada de hoxe, o citado servizo municipal pasou a estar tutelado pola administración autonómica, por iso é polo que os responsables do goberno de José Luís Vergara interésense agora por coñecer a intención que ten a Xunta con respecto a financiar a ampliación do servizo. Detrás desta demanda tamén está unha ducia de peticións cursadas por igual número de proxenitores para inscribir aos seus fillos nun centro que, a partir de onte, pasou a denominarse Galiña Azul. Neste sentido, desde a área de Educación do Concello de Cedeira infórmase de que a matrícula actual está ao redor dos 58 nenos, na súa maioría con idades comprendidas entre os doce meses e os tres anos. O centro, a día de hoxe, localízase nunha antiga escola unitaria situada na rúa Ortigueira da vila de Cedeira. As dimensións do edificio, do que actualmente só se rendibiliza algo máis da metade, permitirían, canto menos, duplicar o servizo naqueles tramos de idade nos que se rexistra unha maior demanda. Por conseguinte, desde a administración local faise especial mención á creación, canto menos, de dúas aulas máis para nenos con idades entre os dous e tres anos.

Estas previsións traduciríanse así mesmo na ampliación do actual persoal, que actualmente está en seis persoas.

Link: DFONLine