O venres 30 de xaneiro tivo lugar no centro
sociocultural de Cedeira o Iº Encontro avós-netos organizado pola
asociación T-C "Citania" coa colaboración dos Servizos sociais do
concello e a Vicepresidencia da Xunta de Galicia. O acto tivo un
grande éxito de asistencia, foron moitos os avós que viñeron compartir
cos seus netos un día festivo. O Encontro comezou ás 5 da tarde coa
actuación do grupo "Tarabelos" no Auditorio Municipal, ao rematar,
serviuse unha merenda no bar do centro sociocultural onde o grupo
"XQuatro" animou o resto da tarde. Os nenos e os avós máis marchosos
bailaron, xogaron, pintáronse, ...
O acto foi presentado pola
vicepresidenta da asociación "Citania" , Mª Jósé Rodríguez,que
agradeceu a súa colaboración á concelleira de servizos sociais de
Cedeira a á vicepresidencia da Xunta; Manoli López,(BNG) concelleira de
servizos sociais agradeceu a asistencia a todos os netos e avós e fixo
fincapé na importancia que estes hoxe en día como apoio na educación
dos seus netos; para rematar contamos coa presenza de Xoán Antón Pérez
Lema, Secretario Xeral de Relacións Institucionais da Vicepresidencia
da Xunta de Galicia que louvou o traballo que a concellería de servizos
sociais está levando a cabo e o empeño que dende o BNG se está a facer
para mellorar as condicións de vida da xente maior, neste sentido Pérez
Lema recordou o traballo que ANXO QUINTANA está a facer dende a
Vicepresidencia da Xunta. Actos coma o Encontro de avós e netos tentan
mostrarlle á sociedade que os avós fan un labor moi produtivo .
© 2009 -Consellería de Servizos Sociais - BNG Cedeira
Pérez Lema
anunciou que logo comezará a funcionar o Transporte Adaptado 065, o
Xantar na Casa, e estanse a realizar os trámites necesarios para a
posta en marcha do Centro de Día.
Link: BNG-Cedeira
