|
Menú | |
Online | |
Actualmente hay 28 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Reurbanización do centro |
Comezaron a principios da pasada semana e está previsto que nun prazo
aproximado dun mes impliquen limitar a capacidade da ponte vella de
Cedeira. Son as obras de renovación do seu casco antigo que, cun
orzamento de case un millón de euros, pretenden mellorar a calidade de
vida de quen residen nel.
A actuación corre a cargo do Fondo Estatal de Investimento Local
-absorbe cerca do 85% da cantidade total que o Goberno central asignou
ao municipio de Cedeira- e vai supor unha nova distribución do tráfico
en varios puntos da localidade. é o caso da ponte vella, actualmente de
dobre sentido. Está previsto que a comezos do próximo mes a plataforma
quede reducida a un só carril, o de saída da parte vella do municipio.
Deste xeito quedaría suspendido o acceso pola ponte á rúa Ezequiel
López.
© 2009 - Ari Gracía - La Voz de Galicia
O acceso alén da vila, xa que logo, poderá realizarse
pola ponte nova -os seus dous carriis son de saída-, polo que se
habilitará unha das vías para entrar ao centro.
Esta
nova distribución do tráfico alargarase durante uns quince días,
segundo explica Xermán Tobío, concelleiro no Concello de Cedeira. A
intención municipal é «reducir ao máximo o impacto sobre os veciños»,
aclara.
Os técnicos da unión temporal de
empresas (UTE) integrada polas empresas Vivendas e Obras Civís e Lancer
Proxectos e Obras traballan estes días nas rúas Ezequiel López e Real.
Fano, segundo fontes municipais, por tramos, para «evitar no posible»
as molestias aos cidadáns. Ademais, o Concello informa «puntualmente
dos cambios no tráfico motivados polas obras», comenta o edil de
Cedeira.
En total, renovar a zona vella
suporá actuacións nunhas quince rúas. As obras, que se alargarán ata o
mes de novembro, pretenden «deixar Cedeira como unha patena por arriba
e por abaixo», en palabras do rexedor, José Luis Vergara. Por iso,
ademais de colocar a preinstalación da rede de gas cidade, separar as
augas pluviais e fecais e ofrecer a posibilidade de renovar traídas
privadas, o proxecto inclúe substituír o actual firme de formigón que
simula lastro por placas de granito silvestre.
Menos vistosa, pero efectiva
A
pesar de que a actuación inclúe desviacións de tráfico e levantar
varias rúas en plena tempada estival, o Concello decidiu destinar gran
parte do orzamento do Goberno central a unha obra que, aínda que «pouco
vistosa», explica o edil Tobío, «é realmente efectiva para os veciños
do centro e o turismo». Asegura que «se queremos repoboar o casco da
vila e mellorar a calidade de vida nesta zona, debemos apostar por
mellorar as súas canalizacións e servizos. Así serán máis atractivas as
rehabilitacións de vivendas».
Ademais, unha
«firme aposta polo turismo inclúe contar con infraestruturas e servizos
de calidade, e para iso é necesario levar a cabo esta obra». Recoñece
que «poderiamos empregar o diñeiro en obras máis vistosas, pero
decidimos facer o máis coherente e beneficioso para os veciños de
Cedeira», explica Tobío. Link: VONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
"Reurbanización do centro" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|