Portal de Noticias Cedeira OnLine Café Bar A MARINA

Dende o BNG de Cedeira estanse a levar a cabo importantes actuacións e proxectos.
No mes de Decembro de 2008 asinouse un Convenio coa Vicepresidencia de Igualdade e Benestar que posibilitará a apertura dunha Galescola que incorporará á actual Escola Infantil, ofertando o dobre de prazas tanto para os usuarios como para o persoal da mesma.A través da Consellería de Industria estase a construír na Trabe un Polígono Industrial cunha superficie de 103.000 m2 e cun número de 55 parcelas aproximadamente que darán cabida a todas as empresas interesadas de Cedeira e foráneas.

As actuacións que se están levando a cabo dende o BNG no sector da 3ª Idade e Dependentes son as seguintes:
-En poucos meses comezarase co Programa Xantar na casa que garantirá que as persoas maiores con algún tipo de dependencia teñan un control dietético axeitado e adaptado a súas necesidades no seu propio domicilio.
-A mellora do Servizo de Axuda a Domicilio na que pasamos de 7 a 9 auxiliares fixas e 5 a través da subvención de Fomento de Emprego, atendendo así a un maior número de unidades familiares.
-Desde a aprobación da nova Lei de Dependencia 29 persoas valoradas como dependentes en graos 3.2, 3.1 e 2.2 estanse a atender dende os Servizos Sociais do Concello de Cedeira.
-Desenvólvense diversas actividades tanto no núcleo urbán como nas parroquias coa colaboración de distintas Asociacións, entre elas:
- Obradoiro de Memoria, Taller de risoterapia e recuperación da autoestima, Ximansia de mantemento así como distintas celebracións na que cabe destacar o Encontro entre avós e netos e a vindeira Xuntanza de Maiores de Ortegal prevista para o 30 de Maio deste mesmo ano.
-Inaugurarase nos próximos meses un Parque Xeracional que ten por finalidade fomentar a actividade o aire libre mediante a colocación dunha serie de aparatos de ximnasia adaptados para manter o corpo e a mente en forma.
-Está prevista a construción dun Centro de Día como apoio as familias con persoas dependentes que se construirá en terreos do Concello que están sendo estudados e supervisados polos técnicos do Consorcio da Vicepresidencia.

No sector da Infancia vaise colaborar na realización dun Campus Creativo durante as vacacións escolares para a conciliación da vida laboral e familiar.

Link: BNG Cedeira - Consello Local