|
Menú | |
Online | |
Actualmente hay 29 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Concello de Cedeira ::: Nota de prensa |
A DIRECCIÓN XERAL DE AUGAS DE GALICIA EXECUTARÁ ESTE ANO O TANQUE DE TORMENTAS DE CEDEIRA
CEDEIRA.- 24 de febrero de 2016.
A Xunta de Galicia comprometeuse co Concello de Cedeira no sentido de tramitar e executar dentro do presente ano a obra de construción do tanque de tormenta para optimizar o funcionamento do servizo de saneamento. Esta colaboración é froito da reunión de traballo mantida hoxe entre o alcalde cedeirés, Pablo Moreda, e odirector xeral de Augas de Galicia, Roberto Rodríguez Martínez.
O responsable autonómico, que agradeceu ao equipo de goberno a súa vixilancia para evitar que se produzan novos verquidos, explicou que existe a posibilidade de incluír o financiamento do proxecto con cargo aos fondos Feader, sen entrar a cuantificar a obra. O alcalde, pola súa banda, explicou a prioridade que para o Concello representa a execución da obra, polo carácter turístico do municipio e o peso que o sector pesqueiro e marisqueiro representan para a economía local, ademais de recordar que a administración cedeiresa comprométese a ceder á Xunta o solo necesario para a realización do tanque de tormentas.
Neste sentido, cabe apuntar que o Consistorio dispón de terreos anexos á actual depuradora onde construír estas instalacións. O rexedor local aproveitou o encontro para poñer enriba da mesa un segundo asunto: as reformas que é necesario levar a cabo na estación de potabilización, en funcionamento dende hai 25 anos. Sobre esta segunda cuestion, Rodríguez Martínez emprazou ao Concello a aprazar ao vindeiro ano a execución das obras demandadas, por carecer a día de hoxe de financiamento para poder executalas.
Os dous responsables quedaron en verse de novo no prazo dun mes coa fin de avanzar na tramitación da obra de execución do tanque de tormenta.
Link: Concello de Cedeira
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
Tópicos Asociados
|
|
"Concello de Cedeira ::: Nota de prensa" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|