Comunicado Oficial do Concello de Cedeir
Con respecto ás actuacións das festas patronais de Cedeira do día 16
de agosto e en concreto ao lamentable espectáculo ofrecido polo grupo
Inhumanos, dende o Concello, o grupo de goberno municipal, por unha
parte queremos pedir desculpas públicas pola denigrante exhibición
ofrecida por ese grupo nalgún momento da súa actuación e por outra
queremos manifestar que quen ten que dar contas e deberían así mesmo
desculparse, son a anterior corporación municipal e a súa comisión de
festas, xa que o contrato deste grupo foi cousa deles.
O que nos parece
inconcebible é que se asine un contrato cun grupo por 9.000 euros, cun
anexo no que ao grupo en cuestión lle había que facilitar ata bebidas
alcohólicas de determinadas marcas e que a cambio se ofreza un
espectáculo machista, sexista e retrógrado.
María Xosé Rodríguez Pérez
Link: Concello de Cedeira