Portal de Noticias Cedeira OnLine Café Bar A MARINA - Concello de Cedeira ::: PP ::: Traspaso de poderes

En Cedeira tampouco se produciu ningún encontro entre o executivo en funcións ( Luis Rubido, PP ) e o entrante, un tripartito de PSOE, BNG e Anova, liderado polo socialista Pablo Moreda (o pleno de investidura será ás 11).

A nacionalista María Xosé Rodríguez reprochou ao PP «as formas do último pleno, nada acertadas, sen tan sequera despedir aos que se van dá corporación». «Vivimos en democracia e hai que aceptar o que sae dás urnas», abundou. A futura primeira tenente de alcalde confía en que este comportamento non se reproduza a partir de agora: «Gustaríame que fose unha oposición política, sen ataques persoais».

O popular Luis Rubido cre que, «nun concello pequeno, o traspaso de poderes fano os técnicos, o funcionariado, a secretaria e o interventor». «Ninguén lles impide (ao novo executivo) entrar e falar co persoal», engade, molesto «porque desde o primeiro momento comunicaron que non querían nada co PP; o que fan (o pacto) é lexítimo e legal, pero que sexa o máis viable para Cedeira, verémolo».

«¿Como creen que se fixo fai catro anos (o traspaso de poderes)?», pregunta.

------------------------- RESPOSTA -----------------------------

HEMEROTECA

Fai catro anos .....

Traspaso de poderes

"

Sr. D. Leopoldo Rubido Ramonde:

Desexo trasladarlle os nosos parabens polos resultados obtidos nas eleccións municipais do 22 de maio. Aínda que o trámite democrático da toma de posesión da nova corporación levarase a cabo o próximo 11 de xuño, póñome á súa disposición para cantas cuestións estime convenientes, en aras dunha adecuada transición.

A experiencia do relevo nas eleccións do 2007 non me permite coñecer as súas intencións ao respecto. Naquel momento, quen subscribe contou coa información do funcionariado. Agora, se vostede o considera oportuno, ofrézolle a nosa predisposición a reunirme con vostede e trasladarlle a nosa valoración de cantos asuntos están en curso.

A situación das obras, o estado de execución dos diferentes plans provinciais, o estado das contas, e cantas cuestións estime, poden ser elementos de conversación. Esta reunión pode levarse a cabo, ben coa asistencia doutros cargos electos, de funcionarios ou desenvolverse exclusivamente entre nós. Déixoo á súa consideración.

De igual maneira, se ten algún interese en realizar algún tipo de protocolo especial no Pleno de Constitución da nova Corporación Municipal, pode ser tamén tratada para que se desenvolva a gusto de todos e todas, lóxicamente tendo presentes as esixencias legais dispostas pra o caso.

Sen outro particular, reiterándolle a nosa predisposición, quedo á espera das súas novas.

ATENTAMENTE

José Luis Vergara Rey
Alcalde en funcións

"

------------------------- FIN RESPOSTA -----------------------------

Link: VONLine

Link: Hai catro anos: Concello de Cedeira - Alcalde en funcións José Luis Vergara Rey