Unha veintena de persoas, traballadores e representantes da CIG
concentráronse na avenida Rosalía de Castro, en Cedeira, en protesta
pola situación dos empregados de Celta Prix na localidade. Denuncian
«incumprimentos» do convenio colectivo por parte da empresa,
adjudicataria do servizo de limpeza, e as sancións impostas a un
traballador.
Os manifestantes dirixíronse ao consistorio, onde foron recibidos polo
tenente de alcalde Alfredo Vilela, a quen lle transmitiron o seu
malestar. Responsabilizan ao Concello de consentir esta situación que,
subliñan, leva meses arrastrándose. O responsable municipal
comprometeuse a esixir á empresa que cumpra o convenio, cubra as baixas
canto antes e proporciónelles a roupa de faena. A protesta, que comezou
en Rosalía de Castro e dirixiuse ao consistorio pola ponte, chamou a
atención dos veciños que transitan pola zona. «Celta Prix culpable, ou
Concello responsable» é un dos lemas coreados entre o son das sirenas.
© 2014 - La Voz de Galicia
Link: VONLine