Portal de Noticias Cedeira OnLine Café Bar A MARINA - PSdeG-PSOE CEDEIRA - COMUNICADO PUBLICO

ASUNTO: COMUNICADO Á OPINIÓN PÚBLICA.
ORZAMENTOS 2014, AUSENCIA DO CENTRO DE SAÚDE DE CEDEIRA.

     En cada Pleno da Corporación, o Grupo Socialista de Cedeira levanta a súa voz reivindicando a necesidade de que o grupo do PP, deixe de por atrancos á construcción dun CENTRO DE SAÚDE. Cada vez que temos oportunidade de amosar o noso malestar pola desidia do PP respecto do novo centro de Saúde de Cedeira, levantamos a nosa voz.

     Existe un compromiso de construcción por parte da Xunta de Galicia e o Goberno de Madrid, con disposición orzamentaria de 2,4 millóns de euros, para construir un novo centro de saúde. Mentras tanto, o goberno local do PP, nunha actitude que, humildemente, non entendemos en representantes do interés público, négase a facilitarlle á Consellería de Sanidade os medios que lle permitirían iniciar esta construcción desde fai dous anos. Non comprendemos os motivos, salvo que accedamos a interpretar o abandono, os atrancos, as disculpas, como a maneira que teñen Leopoldo e Luis Rubido en por atrancos a una conquista de gobernos anteriores.

     Outros gobernos locais, Ares, A Capela, e outros, tamén do PP, déronse boa presa en porse a disposición da Consellería para que os proxectos non se retrasasen. O PP de Cedeira fixo ao revés, por atrancos e problemas á cesión do solo que o goberno anterior lle ofreceu á Xunta. Entrevistáronse coa Consellería e os resultados concluiron na paralización de tan necesaria construcción. Todos os datos apuntan á oposición do PP cedeirés a que se constrúa un novo Centro de Saúde.

     Pola contra, os socialistas vémolo necesario e urxente. Fainos falla que os servicios sanitarios de Cedeira ofrezan fisioterapia, servicios de pediatría perfectamente dotados, arquivo, espacios para descanso do persoal, ausencia de humidades, aparcamentos, separación do servicio de urxencias, e outras dependencias que deberán ser incluidas no futuro orga-nigrama que Cedeira deberá ter.

     Mentres tanto, contamos cos compromisos da Xunta de Galicia e do Goberno de Madrid. O PP de Cedeira non conta, pola contra, coa autorización da cidadanía para seguir obstaculizando a construcción do CENTRO DE SAÚDE. Nestes momentos de crise, as decisión caprichosas, de cortas miras, teñen que desaparecer para dar pasos a posicións de altura de miras e ausencia de sectarismo.

En Cedeira, a 23 de octubre do 2013
JOSÉ LUIS VERGARA REY
PORTAVOZ DO GRUPO MUNICIPAL SOCIALISTA

Link: PSdeG-PSOE CEDEIRA