Portal de Noticias Cedeira OnLine Café Bar A MARINA - Concello de Cedeira

O público que visite esta fin de semana GalEco, a primeira edición da Feira das Enerxías Renovables de Cedeira, poderá coñecer de primeira man as últimas novidades do mercado de vehículos eléctricos. Será posible no stand que rexentará Electric City Motor00, unha firma española que hai uns meses inauguraba franquicia na comarca. Concretamente, na localidade de Fene. Dispón dunha ampla gama de vehículos: dende motocicletas ata turismos, pasando por bicicletas, todoterreos ou vehículos para persoas con mobilidade reducida.

Algúns deles poderán verse en GalEco, a exposición do público. E, todos, con tres rasgos comúns: cero emisións, cero ruídos e cero mantenemento. O sector dos coches eléctricos atópase en pleno proceso de crecemento e das súas ventaxas para particulares e empresas daráse conta en GalEco, a feira sobre enerxías renovables que organiza o Concello os días 8 e 9 de xuño na Avenida da Marina, en pleno centro histórico. Como avance, destacar as ventaxas económicas e ecolóxicas. Neste senso, a compra dos vehículos eléctricos supón un desembolso inicial maior respeto aos tradicionais, pero amortizable en moi pouco tempo, xa que non utilizan combustible, con prezos en continua escalada. Derivado disto, o seu nivel de emisións de C02 é nulo, ao tempo que evitan a contaminación acústica e, un e outro factor, contribúen ao coidado do medio ambiente. Así mesmo, existen axudas públicas para a súa adquisición. En números e a modo de exemplo do anterior, significar que recargar unha motocicleta para unha autonomía de cen quilómetros supón un custe dun euro. Neste contexto, os vehículos eléctricos compartirán espazo en GalEco con outras firmas que amosarán en distintos campos as ventaxas económicas e, sobre todo medioambientais, de recurrir a fontes de enerxía renovables no día a día. Será este fin de semana, sábado e domingo en horario de mañá (de 11 a 14 horas) e de tarde (de 16 a 20 horas). Unha cita aberta a todo o mundo.

Link: Concello de Cedeira