|
Menú | |
Online | |
Actualmente hay 64 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Concello de Cedeira - Contas |
O Concello de Cedeira pechou as contas do exercicio 2012 cun superávit
de 586.269,80 euros. O goberno que encabeza o popular Leopoldo Rubido
confía en que prospere a enmenda presentada no Senado polo grupo do PP
para que o Executivo modifique a Lei de Estabilidade Presupuestaria, que
obriga ás Administracións locais a destinar o remanente de tesorería a
amortizar débeda, e permítalles dedicalo a investimentos.
«Ese é o noso desexo», recalcou o portavoz e tenente de alcalde Luís
Rubido. «Nestes momentos necesítanse investimentos, o camiño de reducir
gasto non funciona. Creemos que o Goberno debería levantar a man no caso
dos concellos que están saneados», sostén. A débeda bancaria deste
Concello «xa está algo por baixo do millón de euros e estamos ao día no
pago de facturas», asegura. «Con este remanente e a amortización ata
final de ano, case a suprimiriamos, pero os intereses son baixísimos e
estamos máis necesitados de investimento», insiste.
A existencia de superávit suscitou o debate no último pleno. O portavoz
socialista, José Luís Vergara, reprochou «a incapacidade do goberno para
executar ou presuposto (...), renunciando á construción do niño de
empresas e reducindo a investimento en servizos sociais». Luís Rubido
nega calquera relación do remanente con estas dúas cuestións. «Non ten
nada que ver con prescindir do proxecto do anterior goberno do viveiro de
empresas, nin matemática nin contablemente, porque o Concello tiña que
aportar 60.000 euros, a maiores dos 60.000 de subvención (de Industria) e
outro tanto dun préstamo, e esa partida non existía», subliñou.
«Tampouco é certo que se quitasen 60.000 euros de servizos sociais
-agregou Rubido-, iso está vinculado a subvencións da Xunta e a
Diputación, que foron as que reduciron a cuantía, non a recursos
propios». O superávit responde, na súa opinión, «a un sumando de
decisións políticas acertadas, rigor na disciplina de gasto por parte de
todas as concellerías e optimización da oficina de urbanismo, que levaba
un atraso de case tres anos. Acelerouse a concesión de licenzas, o que
aumentou a recaudación».
O atraso das licenzas
Rubido móstrase crítico coa xestión anterior: «A oficina de urbanismo,
pese a ter máis persoal, non tomou a boa dirección e tardamos meses en
ordenala. Aínda hoxe queda atraso, xa que estamos dando licenzas
solicitadas en novembro e ata en outubro». Resaltou, ademais, «o bo
traballo, moi rigoroso, do persoal do equipo de intervención e
tesorería».
Link: VONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
"Concello de Cedeira - Contas" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|