|
Menú | |
Online | |
Actualmente hay 33 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Rubido recupera a Alcaldía |
O "popular" Leopoldo Rubido retomará novamente as rendas do goberno
local de Cedeira tras catro anos formando parte da oposición. O partido
obtivo sete concelleiros "un máis que nas eleccións de 2007", fronte aos
catro do PSOE e aos dous do BNG. Rubido arrebatoulle a Alcaldía ao
socialista José Luís Vergara, que continuará "un tempo" exercendo o seu
traballo entre as filas da oposición.
Rubido obtivo onte o respaldo de case o 51% do electorado. Tras
coñecerse os resultados das urnas, o próximo alcalde do municipio
aseguraba sentirse "moi contento". "Isto foi como unha homenaxe ao PP,
que tanto sufriu estes catro anos con esta xente", sentenciou. Con "ilusión e ganas de ilusionar", o "popular" regresa novamente a un cargo
que exerceu durante trinta anos na vila "dos 38 que leva traballando
activamente na política local de Cedeira". Rubido lanzou onte unha
mensaxe aos veciños, asegurándolles que "o PP non lles vai a defraudar".
© 2011 - Diario de Ferrol
No que respecta aos resultados, o alcalde electo asegurou que son "moi
bos". Tanto, dixo, "que nos sobran moitos votos". Pero o resultado de
onte nas urnas cedeirenses non foi ningunha sorpresa para Rubido, que
afirmou ter claro desde un primeiro momento que vencerían. "Nunca o
dubidamos", subliñou, "porque o voto do PP é moi fiel e nas anteriores
eleccións tan só perdemos por dezaoito votos".
"Agora, a loitar", indicou Rubido, que valorou o feito de que "hai unha
situación moi especial, porque o PP gañou en moitos concellos e tamén a
Deputación, co que será posible que leven a cabo moitas ilusións".
Con optimismo afrontou onte o alcalde saínte, o socialista José Luís
Vergara, os resultados das eleccións en Cedeira, aínda recoñecendo desde
o principio que "isto é un desastre xeral no que eu me inclúo". Vergara
lamentou que "o noso proxecto político verase truncado de forma
inequívoca", pero anunciou que continuará traballando "duramente desde a
oposición, co mesmo entusiasmo e alegría que o fixemos antes".
O socialista cedeirense asegurou que "vou continuar un tempo no
Concello, ata que todo estea consolidado e exista outra alternativa,
pero sen dúbida, ireime antes do final do mandato", confirmando o que
anunciara.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 3 votos: 2
| |
Opciones | |
|
Tópicos Asociados
|
|
"Rubido recupera a Alcaldía" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|