|
Menú | |
Online | |
Actualmente hay 62 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Concello de Cedeira - Convenio urbanístico |
O Concello de Cedeira chegou a un acordo cun grupo de construtores polo
que a administración local garántese chan urbano para vivendas sociais,
mentres que os empresarios amplían as súas expectativas de negocio co
que podería converterse no primeiro centro comercial do municipio.
© 2010 - Diario de Ferrol
A firma do convenio urbanístico formalizouse esta semana e o
desenvolvemento do mesmo afecta, por unha banda, a unha leira de 18.000
metros cadrados situada no lugar de Beco e Agrochail e, polo outro, a
dous solares localizados na rúa Zumalacárregui. Neste último caso, a
superficie supera os 770 metros cadrados e, dado que se trata de chan
urbano residencial, o proxecto que o Concello considera probable podería
traducirse nun importante número de vivendas. Neste sentido, o rexedor
municipal, o socialista José Luís Vergara, explicou que a día de hoxe o
Concello non dispón de chan que pór en mans da Xunta para a construción
de casas sociais e que esta demanda existe tanto no que se refire a
primeiras residencias para o caso da poboación máis nova como entre
aquelas familias con menos recursos económicos.
En canto ao cambio de cualificación urbanística proposto polos
empresarios vinculados á empresa Albergues Rías Altas SL, esta pasa por
darlle a unha bolsa de 18.046 metros cadrados a valoración de chan
urbanizable delimitado, de modo que á marxe de ampliar a edificabilidade
da parcela garántese o seu uso como zona dotacional. Así, o
desenvolvemento do acordo agora asinado dará lugar á construción dun
centro comercial e á creación dunha aparcadoiro anexo de aproximadamente
60 prazas, aspecto que o rexedor municipal destacou á hora de explicar
os termos do convenio urbanística. Por outra banda, a redacción do mesmo
correrá a cargo dos seus promotores, así como o seu financiamento, que
podería alcanzar os 50.000 euros. Previamente, no entanto, será
preceptivo contar co respaldo do pleno da corporación municipal para
levar á práctica os termos do acordo asinado na xornada do pasado
venres. Por iso, o alcalde prevé someter o asunto á consideración de
todas as forzas políticas locais na sesión plenaria que en cuestión de
días fixarase para mediados do presente mes. De saír adiante, o Concello
tamén asume a defensa do convenio urbanístico ante a administración
autonómica. José Luís Vergara entende que a fórmula de cesión de chan a
cambio de edificabilidade resulta interesante para ambas as partes.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Concello de Cedeira - Convenio urbanístico" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|