|
Menú | |
Online | |
Actualmente hay 54 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| AGDS - A Trabe |
A empresa de cogeneración de enerxía eléctrica e térmica AGDS prevé
instalarse o próximo ano no polígono A Trabe de Cedeira, segundo afirma o
alcalde da localidade, José Luís Vergara. «Forma parte destas novas
empresas do municipio que diversificarán notoriamente o tecido
industrial da zona», explica Vergara.
Concretamente, esta entidade utiliza a combustión da biomasa forestal
para xerar enerxía térmica, e aproveita para transformar unha parte da
calor en enerxía eléctrica. Este tipo de industria permitirá facer uso
dos recursos naturais dos que dispón o municipio, que conta cunha das
maiores reservas de eucaliptos de Europa. «Á empresa benefícialle poder
dispor do material necesario in situ, sen ter que traelo desde outras
zonas», asegura Vergara.
A biomasa axudará ademais a «manter limpos os montes, xa que estas
empresas utilizan tamén a maleza dos bosques», recorda Vergara. Fai
fincapé no calado ecolóxico da planta, e reitera que «se non cumprise as
esixencias ambientais, non se aceptaría no municipio».
De momento, os plans de AGDS pasan por buscar financiamento antes de
instalarse no municipio. Segundo confirma o primeiro edil, a empresa de
biomasa presentará o seu proxecto á convocatoria do Plan Ferrol do 2011,
financiado polo Ministerio de Industria, para solicitar fondos e
acceder a un crédito a 15 anos con grandes beneficios fiscais.
Ademais, o Concello adianta que chegaron a un acordo coa planta, polo
que lles cederán «a enerxía equivalente a 125.000 euros», dos que se
fará cargo para repartir entre as entidades sociais da localidade que
estime conveniente. «Será moi beneficioso para asociacións como a
residencia de maiores, o viveiro de empresas, ou para a planta que
criará algas no mesmo polígono, por exemplo», explica Vergara. Con esta
medida o goberno local espera axudar ás entidades que non están pasando
un bo momento pola crise, e busca facer máis atractiva a instalación de
novas empresas no municipio. «Desde o Concello cederemos esta enerxía a
quen o necesiten», asegura o alcalde do municipio.
No polígono está previsto que se instalen no 2011 outras entidades, como
o viveiro de empresas que lidera o Concello, a planta de construción de
aeroxeradores, o proxecto de caixas acústicas, ou a empresa de cultivo
de algas mariñas.
Link: VONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
"AGDS - A Trabe" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|