|
Menú | |
Online | |
Actualmente hay 54 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| A Fonte da Area |
O goberno de Cedeira recorreu ao Plan de Obras e Servizos da Deputación
para dispor dos 30.000 euros necesarios para recuperar o aspecto
primigenio da fonte da Area. Trátase dunha construción de arquitectura
popular moi representativa dun barrio de pescadores que sobrevive a
pesar do crecemento urbanístico que experimentou a vila.
A obra, que basicamente consistiu na substitución dunha cuberta de
formigón por outra a base de cerchas de madeira e teza, chegou ao seu
termo, segundo fontes municipais.
O alcalde, o socialista José Luís Vergara, desvelou ademais que a
actuación que concluíu esta mesma semana non será a última que o
goberno municipal execute no citado barrio.
Así, aos 150.000 euros do Plan E recentemente investidos nas obras de
remodelación da praza do Beco e a súa contorna, o equipo de Vergara está
disposto a xestionar novas axudas por un importe similar para
acometer o proxecto na rúa do Amor Fermoso, cuxa denominación deber á
presenza dunha imaxe relixiosa do mesmo nome na travesía en cuestión.
Neste caso, como no proxecto da praza do Beco "que finalizará no prazo
de dous meses", a intervención dará lugar á separación das augas fecais
das pluviais, á canalización de servizos como o de telefonía ou
electricidade e a renovación integral do pavimento. O rexedor
municipal de Cedeira apunta que está disposto a chamar ás portas da
Xunta e a Deputación da Coruña a fin de reunir os máis de 150.000 euros
necesarios para acometer o proxecto. Vergara entende que coa realización
do mesmo garántese unha parte moi significativa da historia local, e
mellórase considerablemente a calidade de vida dos seus habitantes.
Actualmente, no barrio da Area, ao estar situado sobre un banco de area,
viven ao redor de 300 veciños do termo municipal de Cedeira.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
Tópicos Asociados
|
|
"A Fonte da Area" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|