|
Menú | |
Online | |
Actualmente hay 53 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Flexibilidade interna para parar os despidos |
Un artículo de Xavier Carro publicado no Xornal. © 2010 Xavier Carro - Xornal de Gaclicia
"Empezarei por dicir que o tempo de negociación, aínda que non se
chegase a acordo, non foi tempo perdido, serviu para debater en
profundidade moitas materias e ir colocando propostas que son agora
texto do Decreto, pero rematado o prazo, o Goberno lexislou e optou por
unha reforma equilibrada, non tanto dende o punto de vista de recoller
propostas de cada parte, senón equilibradas en relación á realidade
laboral do noso país.
O noso mercado de traballo sofre varias anomalías, a primeira é que
para unha empresa en dificultades, resulta máis sinxelo despedir que
reorganizar. Isto está a provocar que o primeiro recurso sexa prescindir
de traballadores e logo, no caso de novas contratacións facer os
axustes internos cos novos contratados. Na práctica, os cambios do que
se veñen en chamar condicións sustanciais de traballo son moi difíciles
de aplicar e as cláusulas de descolgue practicamente imposibles. Para
resolver esta cuestión, a reforma simplifica os procedementos de
aplicación das medidas de flexibilidade interna, pero mantenas sometidas
á negociación colectiva, o arbitraxe e a tutela xudicial. Ademais,
introduce o chamado modelo alemán para os ERE, que permitirá manter os
postos de traballo reducindo a xornada cun complemento de salario
público que compense a redución salarial resultante.
Outra anomalía é que non sendo o despido barato en España, segundo
din os empresarios, si que é libre e incluso diría que caprichoso. De
feito, que lóxica ten que o 80% dos despedimentos provocados pola crise
económica se realizasen pola vía do despido disciplinario?
Cómpre
resolver esta cuestión, máis pola vía de causalizar o despido axustando a
Lei á realidade que pola vía de alterar os custos e especialmente de
reducir os dereitos dos traballadores. Por iso defínense mellor as
causas do despedimento, dificultando especialmente o caprichoso, e
atópase unha fórmula de verdadeiro equilibrio, aportando dende o Fogasa
oito días de indemnización para manter o dereito dos traballadores á súa
indemnización de 45 ou 33 días, segundo corresponda, reducindo nesta
medida o custo para as empresas.
Isto abórdase de xeito transitorio, xa
que se anuncia a creación dun fondo específico para capitalización dos
dereitos dos traballadores en caso de despedimento co que se reducirá
considerablemente a tensión entre empresarios e traballadores polos
custos do despido no futuro.
A terceira anomalía do noso mercado de traballo é a alta
temporalidade. Para resolvela endurécense as condicións para o seu uso,
co obxecto de que deixe de ser a porta de entrada que as empresas
utilicen como período de proba. Trátase en definitiva de converter a
contratación indefinida na norma e a temporal na excepción, conferindo ó
contrato de traballo un maior nivel de flexibilidade interna e
mecanismos de axuste anteriores e alternativos ó despedimento.
Estas son as razóns da reforma que tramitaremos polo procedemento de
Proxecto de Lei, polo que tódolos grupos terán a oportunidade e a obriga
de retratarse nas propostas que presenten. Non podía ser outro o
procedemento dada a sentenza do Tribunal Constitucional que ante un
recurso do Partido Socialista declarou inconstitucional o procedemento
de Decreto Lei para a reforma que no seu día aprobou o Goberno de Aznar.
Finalmente, dicir que comprendo a posición responsable dos
sindicatos, a eles corresponde defender os dereitos dos traballadores
ante unha representación empresarial cuestionada e politizada.
Comprendo
esa posición defensiva, pero nun momento como este o Goberno debe ser
valente e apostar por cambios profundos que tenten resolver as anomalías
do nosos mercado de traballo."
Link: XORONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Flexibilidade interna para parar os despidos" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|